Wayang Golek Panca Komara Bangbang Dasawalikrama (Audio Kaset 1976) - R. Tjetjep Supriadi скачать в хорошем качестве

Wayang Golek Panca Komara Bangbang Dasawalikrama (Audio Kaset 1976) - R. Tjetjep Supriadi

Wayang golék Panca Komara pingpinan dalang R. Tjétjép Supriadi ti Karawang ieu, mangrupakeun rékaman kasét studio taun 1976. Aya lalakon nu sami ti Pa Tjétjép, tapi éta mah rékaman panggung kabéhdieunakeun, kira-kira taun 1990-2000 an. Rupina dalang kasepuhan nu masih jumeneng di taun 2023 ieu mung tinggal Pa Tjétjép Supriadi dina yuswa 92 taun (kalahiran 9 September 1931), sanaos tos répot teu damang. Sinopsis awal carita Bangbang Dasawalikrama : Carita ieu kaasup seri Ramayana. Kaasup carita nu kasohor ti dalang R. Tjétjép Supriadi. Dina lakon ieu seueur dipidangkeun haleuang Rahwana nu kasohor ti dalang R. Tjétjép Supriadi. Sinigeug, di padépokan pertapaan Setiakarti, Sang Wiku Santana Gopta keur ngayakeun sinéwaka jeung putrina Déwi Linggasari ogé incuna Bangbang Dasawalikrama. Dina obrolan ieu kabuka rasiah yén bapana Bangbang Dasawalikrama téh nyaéta Prabu Dasamuka atawa Rahwana di Aléngka. Kabeneran harita téh sukmana Dasamuka keur kakalayangan luhureun padépokan Setiakarti. Sukma atawa pelendungan Rahwana téh teu boga tempat ngancik, ditolak ku bumi teu ditarima di ahérat, ku loba-loba teuing dosana. Sukmana Rahwana téh antukna nyahoeun yén manéhna masih boga turunan, nyaéta Bangbang Dasawalikrama. Sukma Rahwana boga niat hayang ngancik di guha garbanana Bangbang Dasawalikrama, tapi teu bisa asup, sabab raga Dasawalikrama geus dieusian ku ajian-ajian ti éyangna keur nolak sagala jurig nu nyiliwuri nu hayang ngancik ka ragana. Carios salajengna mah mangga bandungan dugi ka réngsé. Cag!