MARIO GALEA JGĦID LI L-PN GĦAMILLU ĦAJTU INFERN скачать в хорошем качестве

MARIO GALEA JGĦID LI L-PN GĦAMILLU ĦAJTU INFERN

ONE.COM.MT • Id-Deputat Nazzjonalista Mario Galea saħaq li nies qrib il-Kap Bernard Grech fil-Partit Nazzjonalista għamlulu ħajtu infern, saħansitra għajruh bis-saħħa mentali. Mario Galea qal dan mal-Maltatoday wara li rtira l-kandidatura tiegħu għall-elezzjoni ġenerali u giddeb lil Bernard Grech li pprova jagħti l-impressjoni li Galea u oħrajn irtiraw biex jagħtu spazju. Fil-fatt Mario Galea qal li huwa xtaqt jikkontesta u kien sal-aħħar sigħat biex ikun kandidat u mbagħad ma felaħx iżjed. KITBA: SAMUEL LUCAS FILMAT: ARKIVJI Id-Deputat Nazzjonalista Mario Galea qal li nies qrib it-tmexxija ta’ Bernard Grech, l-establishment Nazzjonalista, għamillu ħajtu infern. Mario Galea qal dan mal-MaltaToday u anki mat-Times, jum wara li rtira l-kandidatura tiegħu għall-elezzjoni ġenerali f’isem il-Partit Nazzjonalista. Fl-ewwel jum tal-kampanja elettorali rtiraw f’daqqa erba’ kandidati Nazzjonalisti, ilkoll Deputati u ma’ Mario Galea rtiraw Kristy Debono, Clyde Puli u Claudio Grech. Meta kkunttatjat mill-MaltaToday Galea giddeb ukoll lill-Kap Nazzjonalista Bernard Grech meta qal li kien hemm qbil biex huwa jirtira mill-elezzjoni biex jagħmel spazju. It-Tlieta filgħodu mal-MaltaToday Galea qal hekk. “Mhux minnu li Grech qalilna nirriżenjaw. Jien kont diġà preparajt il-kampanja tiegħi. Ħadt ir-ritratti fid-distrett tiegħi u bdejt ukoll niltaqa’ mal-kostitwenti tiegħi.” Mario Galea giddeb lil Kap Nazzjonalista wara li t-Tnejn filgħaxija l-Belt, Bernard Grech ipprova jagħti stampa differenti. BERNARD GRECH KAP TAL-PN “Fehmu mingħajr ġlied imma bil-persważjoni illi kellhom jagħmlu l-wiesa’” Lit-Times, Mario Galea qalilhom li hu informa lil Bernard Grech it-Tnejn fid-disgħa ta’ filgħodu li se jirriżenja. “Hija gidba totali li Bernard Grech talabni nirtira”, saħaq Mario Galea. Tant kemm mhux minnu li Bernard Grech qal lil Mario Galea biex jirriżenja li mal-MaltaToday Galea qal ukoll li l-Ħadd filgħaxija rċieva telefonata mid-Dar Ċentrali biex jattendi għall-konferenza tal-aħbarijiet li l-Kap Nazzjonalista għamel it-Tnejn filgħodu. Huwa spjega wkoll kif Bernard Grech innifsu riċentament saqsih jekk kienx qed jiltaqa’ mal-kostitwenti tiegħu fid-djar. Filwaqt li qal li huwa spiċċa mormi mill-Partit Nazzjonalista, Mario Galea saħansitra qal li mill-Partit ta’ Bernard Grech affaċċja tgħajjir fuq is-saħħa mentali tiegħu. “Kont użat u mormi”, qal Mario Galea, Deputat li kien leali lejn Adrian Delia. Mario Galea spjega kif huwa xtaq jikkontesta l-elezzjoni ġenerali iżda ma felaħx iżjed.