Отбасы банк пайызы жоқ ислам ипотекасын ашуды жоспарлап отыр скачать в хорошем качестве

Отбасы банк пайызы жоқ ислам ипотекасын ашуды жоспарлап отыр

Биыл елімізде пайызсыз ипотека пайда болуы мүмкін. Яғни, пәтерді бөліп төлеуге рәсімдеуге мүмкіндік туады. Бұл өнім «Отбасы банк» қарастырып отырған исламдық ипотеканың бір нұсқасы ғана. Өйткені, мүлік лизингке де беріледі. Тіпті баспананы банкпен бірлесіп сатып алу тетігі қосылуы ықтимал. Демек, тұтынушы ортақ пәтерді жалдай жүріп, қаржы ұйымындағы қарызынан құтылады. «Отбасы банк» исламдық ипотеканы енгізуге мықтап кіріскен секілді. Өйткені, қазірдің өзінде ислам банкингі қағидаттарымен жұмыс істейтін ірі қаржы ұйымымен келісімге келіп үлгерген. Енді тараптар тәжірибе алмасып, шариғатқа негізделген ипотекалық өнімдерді бірге әзірлейді. Солардың бірі – мурабаха. Бұл өнім аясында банк тауардың өзіндік құны мен үстінен көретін пайдасын тұтынушыға алдын ала ашық көрсетіп, бөліп төлеуге береді. Келесісі – иджара. Яғни, лизинг. Қаржы ұйымы клиентке қажетті мүлікті сатып алып, белгілі бір мерзімге жалға ұсынады. Демек, ислам ипотекасында сыйақы мен дәстүрлі пайыздар болмайды. Себебі, банктің маржасы мен жалға алу төлемдері несиенің бүкіл кезеңіне бөлінеді. Мынадай да ипотека болсын, ислам ипотекасы болсын. Ол ешқандай шектеу болмау керек. Адам өзі біледі қандай ипотеканы алады. Выбор болу керек адамдарда. Егер сондай мүмкіндік болатын болса жақсы ғой. Бірақ ондай мүмкіндікті бермейтін сияқты. Қиын сияқты оны істеу. Ол жалпы енді банктер де, басқасы да ақшаларын табу керек, өмірлерін сүру керек қой. Негізі жақсы болатын еді. Көп адамдар баспаналы болып. Тағы бір ерекшелігі, өсімпұл банктерге түспейді. Демек, төлем кешіктірілсе, не өтелмесе, өсімақы қайырымдылыққа жіберіледі. Бастысы, өнім шариғатқа сай болуға тиіс. Ал, мүлікті сатып алу-сату, жалға беру секілді әр операцияға жеке-жеке келісімшарт жасалады. «ОТБАСЫ БАНК» АҚ БАСПАСӨЗ ҚЫЗМЕТІ: Сонымен қатар, тараптар исламдық ипотека құралдарын тұрғын үй құрылыс жинақ жүйесіне бейімдеуге ерекше назар аударады. Себебі мұндай өнімдер негізгі қарызға пайыз есептеуді қарастырмайды. Банкте исламдық қаржыландыруды енгізу бойынша жұмыс тобы құрылып, тиісті өнімдердің тұжырымдамасы әзірленді. Осылайша, Отбасы банк 2 миллионға жуық тұрғынның баспана мәселесін шешуді жоспарлап отыр. Бірақ, әзірге шариғи талаптарға сай жаңа өнімдер қандай болатыны, қашан іске қосылатыны белгісіз. Ол үшін алдымен тұрғын үй құрылыс жинағы туралы заңға өзгеріс енгізілуі керек деді банк өкілдері. Болмаса, исламдық қаржыландыру тетіктерін іске қосуға құқықтық негіз жоқ. #Информбюро #31арна #БастыЖаңалықтар #Новости #31канал