Мемлекет қиындыққа тап болған азаматтарға қол ұшын созуға дайын скачать в хорошем качестве

Мемлекет қиындыққа тап болған азаматтарға қол ұшын созуға дайын

Қиындыққа тап болып, қаржыдан қысылсаңыз – туыс жағалап, таныс іздеп сабылудың қажеті жоқ. Өйткені мемлекет өмірлік ауыр жағдайға тап болған азаматтарға қол ұшын созуға дайын. Бірақ барлығына бірдей емес. Сонда көмек кімдерге беріледі? Талаптары қандай? Және бұл жүйе шынымен қолжетімді ме? Әріптесім Серік Дәрменұлы анықтап көрді. Бұдан былай, әлеуметтік көмек алу үшін әкімдік табалдырығын тоздыру шарт емес. Өтінішті ұялы телефон арқылы бере аласыз. Бірақ шешім табысқа, отбасының жағдайына және белгіленген критерийлерге байланысты қабылданады. СЕРІК ДӘРМЕНҰЛЫ, тілші: Қағаз жинап, кабинет жағалап, кезек күткен күндер артта қалды. Енді әлеуметтік көмекке өтініш беру үшін бар болғаны осы қосымша жеткілікті. Яғни, eGov Mobile-ға кіріп, Арнайы қызметтер бөліміне өтесіз. Сөйтіп, әлеуметтік көмек тағайындау батырмасын бассаңыз болғаны. Шешім шамамен бір апта ішінде келеді. АНАР МАҒЗҰМОВА, «ҰАТ» АҚ корпоративтік коммуникациялар департаментінің директоры: Аталған қызмет eGov Mobile мобильді қосымшасында 2026 жылдың қаңтар айынан бастап іске қосылды.Тәжірибе көрсеткендей, тек 2025 жылдың өзінде ғана eGov.kz порталы арқылы 7 000-нан астам өтініш келіп түсті. Өтініш мақұлданса, азаматқа хабарлама келеді. Ал талапқа сай болмаса себептері көрсетілген ресми жауап жолданады. Қызмет тегін. Әр өтініш – жеке қаралады. Бірақ енді шынымен іске асып жатса, онда дұрыс қой. Халыққа мемлекеттен көмек берген жақсы ғой. – Негізі, берер кезде жағдайы жоғарыларға емес, жағдайы төмендерге қамқор болса екен деймін. –Честно, не верится. Но будем надеяться на лучшее. Жергілікті мәслихат шешіміне сәйкес көмек әлеуметтік осал топтағы азаматтарға беріледі. Яғни, күнкөріс деңгейі төмен отбасылардың балаларына жоғары оқу орнында оқу ақысын төлеуге көмек қарастырылған. Тіпті қарттарға тіс протездеу екі жылда бір рет тегін жасалады. Бұл – зейнетақымен ғана күн көретін қариялар үшін айтарлықтай қолдау. Және мереке сайын қаржылай көмек беру қарастырылған екен. НҰРГҮЛ ЖҮНДІБАЕВА, астана қаласының жұмыспен қамту және әлеуметтік қорғау басқармасы жәрдемақы тағайындау бөлімінің басшысы: Бізде көптеген әлеуметтік көмек қарастырылған. Оның ішінде қалалық қоғамдық көлікте тегін жүруге ақша бөлінеді. Көмірге компенсация беріледі. Егер де мысалы үйлеріне газ өткізіп жатса, төленген ақшасының 130 айлық есептік көрсеткіш көлемінде бізде ақшалай көмек көрсетіліп тұрады. Енді көмек сұрау үшін табалдырық тоздыру міндет емес. Цифрландыру қағазды қысқартты. Бірақ басты сұрақ сол күйі қалды. Жүйе шын мұқтажды дәл таба ала ма? Оны уақыт көрсетер. #Информбюро #31арна #БастыЖаңалықтар #Новости #31канал