Ақпанда жауған қалың қар мен нөсер жауын жұртты әбігерге салды скачать в хорошем качестве

Ақпанда жауған қалың қар мен нөсер жауын жұртты әбігерге салды

Ақпанда жауған қалың қар мен нөсер жауын жұртты әбігерге салды. Әсіресе Жамбыл облысында тас жолда екі тәулік бойы қаңтарылып қалған жүздеген автокөлік тек бүгін ғана қозғала бастады. Одан бөлек Шымкентте толассыз жауыннан Қошқар ата өзенінің арнасынан асып кету қаупі туындаған. Басқа аймақтарда да ауа райының қолайсыздығынан жолдар жабылып, оқушылар онлайн сабаққа көшкен. Ал, "Қазгидромет" мамандары елде сенбі-жексенбі күндері табиғат тағы тосын мінезін көрсетеді деп болжап отыр. Жамбыл облысында тоқтаусыз жауған қардың қалыңдығы бір метрге дейін жетті. Аспаннан төгілген ақ ұлпадан айналаны анық көру мүмкін болмай қалған. Соның кесірінен жолдан шығып кеткен көлік көп. Тіпті тәртіп сақшылары Таразға кіріп-шығатын тас жолда екі мыңға жуық автомобильді уақытша тоқтатуға мәжбүр болды. Олардың дені жүк көліктері. АСҚАР МҰСЫЛМАНОВ, жүргізуші: -Мал әкеле жатқанбыз. Кеше осы Күйік асуына келгенде қар жауып, жол жабылып қалды. Кешелі бері осы жерде тұрмыз негізі. Енді мына гаидың қызметкерлері жүргізушілерге кофе, пирожки беріп жүр. Ол кісілерге рақмет. Екі тәулік бойы көлік ішінде түнеген жүргізушілер тек бүгін ғана жолға шыға бастады. Сондай-ақ Шымкентте қар аралас жаңбыр қозғалысты қиындатты. Қаланың бірқатар бөлігі жарықсыз қалып, ал орталық көшелер көлге айналды. Коммуналдық мекеме қызметкерлері жолды судан тазарту үшін тынымсыз еңбек етіп жатыр. Тіпті, Қошқар ата өзенінің тасып кету қаупі туындаған екен. Ал Шығыс Қазақстанда қалың қардан соң қытымыр аяз басталған. Өскеменнің өзінде көктайғақтан тайып жығылып дәрігердің көмегіне жүгінген тұрғындар саны 500-ге жеткен. Ал 30 градус суыққа байланысты төрт ауданда оқушылар қашықтан оқытылып жатыр. Кей аймақтарда құтқарушылар әлі де күшейтілген режимде жұмыс істеп жатырмыз дейді. ДИДАР ҚАЖКЕНОВ, ҚР ТЖМ төтенше жағдайларды жою департаментінің бас маманы: -Жетісу облысында Үшарал-Достық республикалық маңызы бар жол жабық. Өйткені ол жолда дауылды ескерту болып тұр. Осы аймақтарда шығыс, батыс, солтүстік өңірлерде тұман күтіліп тұр ғой. 112-ден хабарлама түсіп жатса, алыс жолға шығудан шектелген дұрыс. АБАЙ НҰРЖАНҰЛЫ, тілші: -Алдағы демалыс күндері Алматыда да жауын жауып, жел күшейеді деп күтілуде. Тіпті мамандар оңтүстік астанада қар көшкіні болуы мүмкін деп отыр. Сол себепті, тауға шыққысы келген азаматтар жоспарын кейінге шегергені дұрыс. "Қазгидрометтің" болжам бойынша сенбі-жексенбіде оңтүстік пен шығыста нөсер жауын, ал солтүстік пен батыста қалың тұман болады. #Информбюро #31арна #БастыЖаңалықтар #Новости #31канал