Қызылорда облысының халқы әкімдер жайылым жерді жаппай сатып жіберді деп күдіктенеді скачать в хорошем качестве

Қызылорда облысының халқы әкімдер жайылым жерді жаппай сатып жіберді деп күдіктенеді

Қызылорда облысы Жаңақорған ауданының халқы әкімдер жайылым жерді жаппай сатып жіберді деп күдіктенеді. Егін алқабының айналасындағы жерлерді ауқаттылар алып алған, ал қарапайым жұрт мал жаятын жер таппай қалды дейді ауылдықтар. Сөздерінше жерді сатып алған кәсіпкерлер ауылдағы шаруашылыққа тиесілі жерге де, суға да ортақтасып тұрғындардың тұрмысына әбден кедергі келтіріп отыр. Түгіскендік тұрғындарды жайылым жердің тапшылығы әбден ашындырған. Ауылға тиесілі үлестердің айналасындағы шөбі шүйгін шұрайлы аумақты әкім-қаралар сырттан келген қалталыларға заңсыз сатып жіберген дейді. Айтуларынша соның салдарынан бұған дейін тұрғындар түлігін жайып, игілігін көрген жерлер тарылып қалыпты. ӘДІЛХАН ӘДЕПОВ, Түгіскен ауылының тұрғыны: – Ішкі жайылымдықтағы егістік 1 шақырымға жетпейді. 500-600 шақырым жер қалған. Қалған төңіректегі жердің бәрін сырттан келгендер сатып алған. Кең аумақты иемденіп, түгіскендіктердің тіршілігін титықтатқан кәсіпкерлер одан қалды ауылға қарасты алқапқа мөлшермен бөлінетін суды пайдаланып қызығын көріп отыр деп ашынады көпшілік. Тіпті сол қалталылардың малы ауыл тұрғындарының үлесіндегі жерлерге де кіріп, егістікті таптап кететіндерін айтады. Ал жауаптылар Түгіскендегі жайылымның айналасындағы жерлерді кәсіпкерлерге заңды түрде пайдалануға бердік дейді. РУСЛАН РҮСТЕМОВ, Жаңақорған ауданының әкімі: – Ауылдық жерлердің шекаралық аумақтарын қайта қарау жөнінде облыстық мәслихатқа ұсынылды. Облыстық мәслихатта жуық арада ол бекиді. Сосын ауылдың шекаралық аумақтары қайта қаралады. Аудан әкімі ауыл шекарасын белгілеу арқылы жайылым тапшылығын шеше аламыз дейді. Бірақ бұл жұмыстардың нақты қашан аяқталатыны да белгісіз. Ал тұрғындар шекараны нақтылау кезінде шенділер қалталы кәсіпкерлердің мүддесін жақтап кетпесе деп тілеп отыр Абай Нұржанұлы, Рахымжан Ысқақов Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #Қызылорда #жайылым_жердің_жоқтығы