مشروع حلويات ناجح⁦🇩🇿⁩ مخبز الجوز معسل للقلب مع جميع أسرار نجاحه/رطل مكسرات شحال يقطع من حبة скачать в хорошем качестве

مشروع حلويات ناجح⁦🇩🇿⁩ مخبز الجوز معسل للقلب مع جميع أسرار نجاحه/رطل مكسرات شحال يقطع من حبة

#مشروع_حلويات_ناجح ـشاركتكم آخر طلبية نتاع نفاس بكامل تفاصيلها مع سعر البيع الجديد 💯 50 حبة مخبز اللوز شحال هزتلي مقادير    • شاركتكم آخر طلبية نتاع نفاس بكامل تفاصيلها...   ـمشروع حلويات ناجح/طريقة صناعة الورود للمخبز بالتفصيل-تابع للفيديو السابق-    • مشروع حلويات ناجح/طريقة صناعة الورود للمخب...   ـطلبية مخبز الكاوكاو وجوز الهند قلبو معسل وطري مع جميع أسرار نجاحه/01كلغ كاوكاو شحال يخرج من حبة    • طلبية مخبز الكاوكاو وجوز الهند قلبو معسل و...   ـالوصفة اللي مانبدلهاش⁦🇩🇿⁩طلية بدون بيض لماعة وتذوب في الفم/glaçage pour les Gâteaus    • الوصفة اللي مانبدلهاش⁦🇩🇿⁩طلية بدون بيض لما...   🌼🌼🌼🌼🌼🌼🌼 ⁦🇩🇿⁩⁦🇩🇿⁩⁦🇩🇿⁩-أسرار نجاح المخبز ؛: ـ نوعية الجوز تلعب دور كبير في الذوق يعني الجوز مش كيما اللوز أو الكاوكاو ذوقهم باين /الجوز مرات يطلق المرارة نتاعوا لذالك لازم الجوز يكون نوعية جيدة وتصفيوه مليح قبل الرحي من العظم وتنحيو كامل الحبات الفاسدين واللي لونها أسود غامق لأنها هيا اللي تخسرلكم الذوق نتاع المخبز نتاعكم. ـكيما معروف على الجوز أنو يحتوي على كمية كبيرة من الزيوت يعني لذا كثرتولو الرحي أو العجن راح يطلق زيت بكمية كبيرة ويتعجن في سع لذلك أنا رحيتو فرد مرة مش زوج مرات ودرت معاه كيلة لوز باش ما يفسدليش وتكون معاه حاجة تشرب . ـكاين بزاف طرق باش تخدموا المخبز نتاع الجوز وكلهم ناحجين وكل حلواجية وطريقتها انا درتها على طريقتي اللي موالفة نخدم بيها مخبز اللوز أو مخبز الكاوكاو وتحصلت على نتيجة روووعة . ـتقدروا تضيفوا مبشور ليمون للمخبز نتاع الجوز اختياري ولكن ماهوش ضروري لأنو طعم اللوز والجوز يكفي وما تخافوش ما يجيش فيه كامل طعم أو ريحة البيض . كيما تقدروا تضيفوا لاروم نتاع الجوز . ـبالنسبة لعدد الحبات على حسب المول اللي قطعتي بيه يعني اللي دير مول كبير وحبة عالية رطل مكسرات يخرجلها غير 20حبة ولكن أنا نحب الحبة شوي صغيرة ومش عالية بزاف يعني كل وحدة وكيفاه تحب تخدم . ـأي عجينة نتاع مخبز لازم تبات باش تتعسل والمكسرات يتشربوا وباش يعطيكم نتيجة مليحة . ـالشاربات ماهيش ضرورية في مخبز الجوز لأنو الجوز خفيف راح يجي معسل للقلب وكأنو مشرب ماهوش كيما الكاوكاو ثقيل لازم يتشرب . ـالطياب نتاع المخبزواضح ضروري تبقاي عند راسو يعني مش تحطيه وتروح تخليه اذا فات شوي طياب نتاعو راهو يجيك يابس حطي البلاطو في وسط الفرن على 160درجة وابقاي عسي فيه حوالي 7دقائق لا أكثر تشوفي الجوانب بداو يتحمروا طفي من لتحت وتشعلي من فوق غير 2دقائق تشوفي الوجه نتاع المخبز رجع أبيض شوي تجبديه مباشرة والطياب نتاعوا يلعب دور كبير في نجاح الوصفة . ـلازم أي مخبز قبل الطلية يبرد تماما سواء مخبز أو كعيكعات يعني طيبيه وتحطيه على الأقل ساعتين :اذا درتو طلية على المخبز وهو دافئ من لداخل راح يتنغل في أقرب وقت والحلوى ما تصبرش مدة طويلة وتخسر. ـرابط طلية راهو الفوق اللي تحب الفيديو بالتفصيل ـ 🌼🌼🌼🌼🌼 -المقادير المضبوطة ل25حبة ؛: -العجينة ؛: -مجموع الكيلات رطل مكسرات وتقدروا ديروا زوج كيلات جوز وكيلة كاوكاو أو زوج كيلات جوز وكيلة لوز كيما درت أنا أو ثلاث كيلات جوز ليكم الإختيار: -زوج كيلات جوز محمص ومرحي (الجوز نأكد يكون نوعية مليحة ) -كيلة لوز محمص ومرحي . -كيلة ناقصة زوج أصابع سكر عادي . -ملعقة كبيرة ماء زهر . -زوج ملاعق كبار عسل. -زوج بيضات كاملين وصفار بيضة. -يمكن إضافة عطر الجوز أو عطر اللوز أو مبشور ليمون كلهم حسب الإختيار نتاعك . 🌼🌼🌼🌼🌼 -الطلية؛: (الفنجال اللي كيلت بيه فنجال التاي درت نصف فنجال ديرلكم طلية حتى ل30حبة ): -نصف فنجال حليب نحل فيه ساشي نيسكافي ولاروم القهوة (لاروم إختيارية اذا لم تتوفر عادي ). -نصف فنجال ماء الزهر. -نصف فنجال زيت . -نصف فنجال عصير ليمون مصفى. -ساشي سكر ناعم وزن 700غ . -ملون أبيض ضروري باش تخرج طلية فاتحة . 🌼🌼🌼🌼🌼🌼 -الديكور ؛: -عجينة السكر بيضاء أي نوع تحبوا تخدموا بيه . -ملون بني غامق باش تتحصلوا على رخامة لامعة أنا درت الكاكاو بني ما مدليش نتيجة اللي كنت نحوس عليها ولكن معليش نتوما اذا تخدموا طلبيات لازم ديرو ملون يكون بني غامق . -مول السيليكون خاص بالرخامة. -ميتاليك . -ناكري ابيض ذهبي .