စက်သုံးဆီ ရက် ၄၀ စာလုံ လောက်တယ်လို့ စစ် ကောင်စီ ပြောစကား ပြည်သူ တွေ မယုံ | People's Spring скачать в хорошем качестве

စက်သုံးဆီ ရက် ၄၀ စာလုံ လောက်တယ်လို့ စစ် ကောင်စီ ပြောစကား ပြည်သူ တွေ မယုံ | People's Spring

စက်သုံးဆီ ရက် ၄၀ စာလုံ လောက်တယ်လို့ စစ် ကောင်စီ ပြောစကား ပြည်သူ တွေ မယုံ   မတ်−၅၊ ၂၀၂၆။ People’s Spring   စက်သုံးဆီရက် ၄၀ စာလုံလောက်ပြီး ဆီတင်သင်္ဘော တွေလည်းလာ နေတယ်လို့ စစ်ကောင်စီပြောခွင့်ရ ဗိုလ်ချုပ် ဇော်မင်းထွန်းကပြောပေမယ့် မြေပြင်မှာ စက်သုံးဆီအရောင်းဆိုင်အချို့ ဆီစပြတ်နေသလို  ဆီဝယ်ဖို့ တန်းစီတဲ့ယာဥ်တန်း တွေလည်းရှည်လာပြီဖြစ်ပါတယ်။   မတ်လ ၄ရက်  ရန်ကုန်မြို့က စက်သုံးဆီဆိုင် တွေမှာဆီဝယ်ယူဖို့ ယာဉ်တန်းရှည် တွေ စောင့်ဆိုင်းနေကြပြီး တချို့အရောင်းဆိုင်တွေက ဆီရောင်းစရာမရှိ တော့လို့ ဆိုင်ပိတ်ထားရတယ်လို့ အငှားယာဉ်မောင်းတစ်ဦးက ပြောပါတယ်။ ဆီဆိုင်တွေက အများဆုံး တစ်သိန်းဖိုးထိပဲ ဝယ်ယူဖို့ ကန့်သတ်ထားပြီး တချို့ဆီဆိုင်တွေကတော့ ပိတ်ထားတယ်လို့ သူက ဆက်ပြောပါတယ်။   ဆီရဖို့အတွက် တစ်နာရီကျော် နှစ်နာရီအချိန်ပေးရပြီး တခြားဘာအလုပ်မှ လုပ်မရအောင် အချိန်ကုန်တယ်လို့ ရန်ကုန်မြို့ခံတစ်ဦးက ပြောပါတယ်။   အလားတူ မန္တလေးမြို့မှာလည်း စက်သုံးဆီကို နာရီပိုင်းကြာတဲ့အထိ စောင့်ဆိုင်းဝယ်ယူနေရကြောင်း မြို့ခံတွေက ပြောပါတယ်။   စစ်ကောင်စီက စက်သုံးဆီနဲ့ပတ်သက်ပြီး မတ်လ ၇ ရက်ကစလို့ ကိုယ်ပိုင်ယာဥ်တွေအနေနဲ့  စုံရက်မှာ စုံနံပတ်ကားတွေ၊ မရက်မှာ မနံပတ်ကားတွေပဲ အပြင်ထွက်ကြဖို့ ကြေညာချက်တစ်စောင် မတ်လ ၃ရက်မှာ ကနဦးထုတ်ပြန်ပါတယ်။ အဲဒီ နောက် မတ်လ ၄ရက်မှာ တော့  စက်သုံးဆီနဲ့ပတ်သက်ပြီး ကြေညာချက် သုံးစောင် ထပ်မံထုတ်ပြန်ခဲ့တာပါ။   စစ်ကောင်စီပြောခွင့်ရ ဗိုလ်ချုပ်ဇော်မင်းထွန်းက အရန်စက်သုံးဆီဟာ လာမယ့် ရက်၄၀စာအတွက် ဖူလုံပြီး စက်သုံးဆီတင်သင်္ဘော ၂စီး ဆိုက်ကပ်ထားကြောင်း၊ ဒါ့အပြင် ဆီတင်သင်္ဘော ၁၄စီးလည်း ထွက်ခွာလာနေကြောင်း ပြောခဲ့ပါတယ်။   ဒါ ပေမဲ့ ပြည်သူတွေဟာ စက်သုံးဆီရဖို့ ဆီဆိုင်တွေမှာ တိုးဝှေ့တန်းစီး နေရပြီး စက်သုံးဆီလုံလောက်မှုမရှိတဲ့ အခြေအနေနဲ့ တဖန်ပြန်ပြီး ရင်ဆိုင်နေရပါတယ်။   စစ်ကောင်စီဟာ စက်သုံးဆီအခက်အခဲကြောင့် ချွေတာတဲ့အနေနဲ့ ယာဥ်တွေကို ရက်အလိုက် စုံရက်၊ မရက်ခွဲပြီး ကိုယ့်ယာဥ်နံပါတ်ပေါ်မူတည်ကာ သွားလာကြဖို့ ထုတ်ပြန်ထားတာပါ။   စစ်ကောင်စီရဲ့ စွမ်းအင်ဝန်ကြီးဌာနကလည်း "နိုင်ငံအတွင်း စက်သုံးဆီပြတ်လပ်မှု မဖြစ်ပေါ်နိုင်ကြောင်းနဲ့ စိုးရိမ်ကြောင့်ကြမှု မဖြစ်ပေါ်စေရေး အသိပေးထုတ်ပြန်ချက်"ဆိုပြီး ထပ်မံထုတ်ပြန်ထားပါတယ်။   စက်သုံးဆီပြတ်လပ်မှာကို စိုးရိမ်ကြောင့်ကြမှု မဖြစ်ကြဖို့နဲ့ သက်ဆိုင်ရာဌာနက တရားဝင်ထုတ်ပြန်ပေးတဲ့ သတင်းတွေကိုသာ ယုံကြည်ကြဖို့ လိုကြောင်း၊ တရားမဝင် ကောလာဟလသတင်းတွေကို မယုံကြည်ဖို့နဲ့ စိုးရိမ်စိတ်လွန်ကဲပြီး စက်သုံးဆီကို မလိုအပ်ဘဲ ဝယ်ယူသိုလှောင်တာ လုံးဝ မပြုလုပ်ကြဖို့ ဆိုထားပါတယ်။   စစ်ကောင်စီရဲ့ ကာလုံကောင်စီကလည်း စက်ရုံ၊ အလုပ်ရုံ၊ အလုပ်ဌာနတွေအတွက် ဝန်ထမ်းကြိုပို့ယာဉ်တွေ၊ ကုန်စည်ဖြန့်ဖြူးရေးမှာ အသုံးပြုတဲ့ယာဉ်တွေ၊ စက်ရုံ၊ အလုပ်ရုံ၊ အလုပ်ဌာနတွေအတွက် ရုံးလုပ်ငန်းအသုံးပြုတဲ့ယာဉ်တွေ၊ကျောင်းကြို/ပို့ယာဉ်တွေအနေနဲ့ လည်း သုံးစွဲတဲ့အခေါက်ရေ အနည်းဆုံးနဲ့ သုံးစွဲတဲ့ ယာဉ်စီးရေ အနည်းဆုံးဖြစ်အောင် ကန့်သတ်ဖို့ဆိုပြီး ထပ်မံထုတ်လာပြန်ပါတယ်။   အဲဒီယာဉ်ပေါ်မှာ စီးနင်းလိုက်ပါသူတွေကလည်း သက်ဆိုင်ရာအလုပ်ဌာနတွေရဲ့ ခိုင်လုံတဲ့ အထောက်အထားနဲ့ ထောက်ခံချက်ပါရှိရမယ်လို့ ကန့်သတ်ထားပါတယ်။   အရံစက်သုံးဆီ တွေရှိတယ်လို့ ဆို ပေမယ့် ရန်ကုန်ကဆိုင်အချို့ဟာ ဆီကုန်သွားလို့ အ ရောင်း ခေတ္တရပ်ထားကြောင်း အသိ ပေးထားတဲ့ဆိုင် တွေ ရှိလာပါတယ်။ 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴 #ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA