திருவாரூர்(திருஆரூர்) - ஒருவனாய் உலகேத்த நின்ற நாளோ - திருநாவுக்கரசர் தேவாரம் скачать в хорошем качестве

திருவாரூர்(திருஆரூர்) - ஒருவனாய் உலகேத்த நின்ற நாளோ - திருநாவுக்கரசர் தேவாரம்

06.034 திருவாரூர்(திருஆரூர்) | ஒருவனாய் உலகேத்த | திருநாவுக்கரசர் தேவாரம் | ‪@ThiruneriyaThamizhosai‬ Sri Thiyagaraja Swamy Temple | Thiruvarur | Thirunavukarasar Thevaaram | Thiruneriya Thamizhosai | Thevaram Padal Pettra Sthalam இறைவர் திருப்பெயர் : ஸ்ரீ தியாகராஜர் இறைவியார் திருப்பெயர் : ஸ்ரீ கமலாம்பிகை திருமுறை : ஆறாம் திருமுறை 034 வது திருப்பதிகம் அருளிச்செய்தவர் : திருநாவுக்கரசு சுவாமிகள் பதிக குரலிசை : திரு மதுரை முத்துக்குமரன் ஓதுவார் திருநாவுக்கரசு சுவாமிகள் பெருவேளூர், திருவிளமர் வணங்கித் திருவாரூர் புற்றிடங்கொள் நிருத்தரைப் பணிந்து பாடியருளியவற்றுள் ஒன்று இத்திருப்பதிகம். இத் திருப்பதிகம் திருவாரூர்த் தலத்தின் தொன்மையை வியந்து அருளிச் செய்தது. 00:09 ஒருவனாய் உலகேத்த நின்ற நாளோ ஓருருவே மூவுருவம் ஆன நாளோ கருவனாய்க் காலனை முன் காய்ந்த நாளோ காமனையும் கண்ணழலால் விழித்த நாளோ மருவனாய் மண்ணும் விண்ணும் தெரித்த நாளோ மான்மறிகை ஏந்தியோர் மாதோர் பாகம் திருவினாள் சேர்வதற்கு முன்னோ பின்னோ திருவாரூர் கோயிலாக் கொண்ட நாளே. ..... (01) 01:23 மலையார்பொற் பாவையொடு மகிழ்ந்த நாளோ வானவரை வலி அமுதம் ஊட்டி அந்நாள் நிலைபேறு பெறுவித்து நின்ற நாளோ நினைப்பரிய தழற்பிழம்பாய் நிமிர்ந்த நாளோ அலைசாமே அலைகடல் நஞ்சு உண்ட நாளோ அமரர்கணம் புடைசூழ இருந்த நாளோ சிலையால் முப்புரம் எரித்த முன்னோ பின்னோ திருவாரூர் கோயிலாக் கொண்ட நாளே. ..... (02) 02:29 பாடகஞ்சேர் மெல்லடி நல் பாவையாளும் நீயும் போய்ப் பார்த்தனது பலத்தைக் காண்பான் வேடனாய் வில் வாங்கி எய்த நாளோ விண்ணவர்க்கும் கண்ணவனாய் நின்ற நாளோ மாடமொடு மாளிகைகள் மல்கு தில்லை மணி திகழும் அம்பலத்தை மன்னிக் கூத்தை ஆடுவான் புகுவதற்கு முன்னோ பின்னோ அணியாரூர் கோயிலாக் கொண்ட நாளே. ..... (03) 03:32 ஓங்கி உயர்ந்து எழுந்து நின்ற நாளோ ஓருகம்போல் ஏழுகமாய் நின்ற நாளோ தாங்கிய சீர்த் தலையான வானோர் செய்த தக்கன் தன் பெருவேள்வி தகர்த்த நாளோ நீங்கிய நீர்த் தாமரையான் நெடு மாலோடு நில்லாய் எம்பெருமானே என்று அங்கு ஏத்தி வாங்கி மதி வைப்பதற்கு முன்னோ பின்னோ வளராரூர் கோயிலாக் கொண்ட நாளே. ..... (04) 04:31 பாலனாய் வளர்ந்திலாப் பான்மையானே பணிவார்கட்கு அங்கு அங்கே பற்று ஆனானே நீல மாமணி கண்டத்து எண் தோளானே நெருநலையாய் இன்றாகி நாளையாகும் சீலமே சிவலோக நெறியே ஆகும் சீர்மையே கூர்மையே குணமே நல்ல கோலம் நீ கொள்வதற்கு முன்னோ பின்னோ குளிராரூர் கோயிலாக் கொண்ட நாளே. ..... (05) 05:38 திறம் பலவும் வழிகாட்டிச் செய்கை காட்டிச் சிறியையாய்ப் பெரியையாய் நின்ற நாளோ மறம் பலவும் உடையாரை மயக்கம் தீர்த்து மாமுனிவர்க்கு அருள்செய்து அங்கு இருந்த நாளோ பிறங்கிய சீர்ப் பிரமன் தன் தலை கை ஏந்திப் பிச்சை ஏற்று உண்டு உழன்று நின்ற நாளோ அறம் பலவும் உரைப்பதற்கு முன்னோ பின்னோ அணியாரூர் கோயிலாக் கொண்ட நாளே. ..... (06) 06:44 நிலந்தரத்து நீண்டு உருவம் ஆன நாளோ நிற்பனவும் நடப்பனவும் நீயே ஆகிக் கலந்து உரைக்கக் கற்பகமாய் நின்ற நாளோ காரணத்தால் நாரணனைக் கற்பித்து அன்று வலம் சுருக்கி வல்லசுரர் மாண்டு வீழ வாசுகியை வாய் மடுத்து வானோர் உய்ய சலந்தரனைக் கொல்வதற்கு முன்னோ பின்னோ தண்ணாரூர் கோயிலாக் கொண்ட நாளே. ..... (07) 07:44 பாதத்தால் முயலகனைப் பாதுகாத்துப் பாரகத்தே பரஞ்சுடராய் நின்ற நாளோ கீதத்தை மிகப்பாடும் அடியார்க்கு என்றும் கேடிலா வான் உலகம் கொடுத்த நாளோ பூதத்தான் பொருநீலி புனிதன் மேவிப் பொய்யுரையா மறைநால்வர் விண்ணோர்க்கு என்றும் வேதத்தை விரிப்பதற்கு முன்னோ பின்னோ விழவாரூர் கோயிலாக் கொண்ட நாளே. ..... (08) 08:58 புகை எட்டும் போக்கு எட்டும் புலன்கள் எட்டும் பூதலங்கள் அவை எட்டும் பொழில்கள் எட்டும் கலை எட்டும் காப்பு எட்டும் காட்சி எட்டும் கழல் சேவடி அடைந்தார் களை கண் எட்டும் நகை எட்டும் நாள் எட்டும் நன்மை எட்டும் நலம் சிறந்தார் மனத்து அகத்து மலர்கள் எட்டும் திகை எட்டும் தெரிப்பதற்கு முன்னோ பின்னோ திருவாரூர் கோயிலாக் கொண்ட நாளே. ..... (09) 10:08 ஈசனாய் உலகு ஏழும் மலையுமாகி இராவணனை ஈடு அழித்திட்டு இருந்த நாளோ வாசமலர் மகிழ் தென்றலான நாளோ மதயானை உரி போர்த்து மகிழ்ந்த நாளோ தாது மலர் சண்டிக்குக் கொடுத்த நாளோ சகரர்களை மறித்திட்டு ஆட்கொண்ட நாளோ தேசம் உமை அறிவதற்கு முன்னோ பின்னோ திருவாரூர் கோயிலாக் கொண்ட நாளே. ..... (10) பொருளுரை : உலகம் ஏழையும் மலைகள் ஏழையும் அடக்கி ஆள்பவனே! இராவணன் ஆற்றலை அழித்து இருப்பவனே! பொதிய மலையில் அமர்ந்து மலர்களின் மணங்களை மகிழ்ந்து ஏற்கும் தென்றலாகி இருப்பவனே! மதயானையின் தோலைப் போர்த்து மகிழ்ந்தவனே! சூடிய மலர் மாலையைச் சண்டிகேசுவரருக்குக் கொடுத்தவனே! சகரபுத்திரர்களின் சாபத்தைத் தீர்த்து அவர்களை ஆட் கொண்டவனே! இச் செயல்களால் உலகவர் உன்னைப் பரம்பொருள் என்று அறிவதற்கு முன்னோ அறிந்தபின்னோ நீ திருவாரூரைக் கோயிலாகக் கொண்டாய்?. குறிப்பு : இப்பதிகத்திற்கான சொற்பிரிவு எங்களது முயற்சியில் உருவாக்கப்பட்டுள்ளது. பிழை இருப்பின் எங்களுக்கு தெரியப்படுத்தலாம். "மேன்மைகொள் சைவநீதி விளங்குக உலகம் எல்லாம்"