NDARO LUBUNDA: PMCU YALETA NEEMA KWA WAKULIMA WA PAMBA, YAWEKA MIKAKATI MADHUBUTI скачать в хорошем качестве

NDARO LUBUNDA: PMCU YALETA NEEMA KWA WAKULIMA WA PAMBA, YAWEKA MIKAKATI MADHUBUTI

Mwenyekiti wa Bodi ya Chama Kikuu cha Ushirika Pamba Mara (PMCU), Ndaro Lubunda, amesema chama hicho kinaendelea kuleta manufaa makubwa kwa wanachama wake ambao ni wakulima wa pamba kupitia upatikanaji wa pembejeo kwa wakati, huduma za ugani, pamoja na uhakika wa soko la mazao yao. Akizungumza na Mazingira FM mara baada ya kukamilika kwa Mkutano Mkuu wa Mwaka wa chama hicho uliofanyika leo 27 Feb 2026 katika ukumbi wa Mwembeni Complex, Musoma mjini, Lubunda amesema chama kimeweka mikakati madhubuti ya kushughulikia changamoto zinazowakabili wakulima ikiwemo upatikanaji wa pembejeo bora, mitaji, vitendea kazi na changamoto za bei. Ameeleza kuwa kupitia usimamizi imara wa bodi na uongozi wa chama, (PMCU) inaendelea kuimarisha mnyororo wa thamani wa zao la pamba ili kuongeza tija na mapato kwa wakulima, huku akiwahimiza wanachama kuendelea kuwa na umoja na kuamini chama chao kwa maendeleo ya pamoja.