Енді сотталған азаматтарға смартфон ұстауға рұқсат беріледі скачать в хорошем качестве

Енді сотталған азаматтарға смартфон ұстауға рұқсат беріледі

Бұдан былай темір тордың ар жағындағы тәртіп өзгеруі мүмкін. Енді сотталған азаматтарға смартфон ұстауға рұқсат беріледі. Бірақ бұл жеңілдік барлығына бірдей емес. Еліміздің Ішкі істер министрлігі қылмыстық-атқару жүйесі мекемелерінің ішкі тәртіп қағидаларына өзгеріс енгізетін бұйрық жобасын жариялады. Алдымен – қоныс колонияларында жазасын өтеп жатқандарға мекеме аумағынан тыс жерде смартфон пайдалануға рұқсат беру жоспарланып отыр. Яғни ең төменгі қауіпсіздік санатындағы азаматтар байланыс құралын заңды түрде қолдана алады. Құжат сотталғандарды ұстау жағдайларын жақсартуға және рәсімдердің ашықтығын арттыруға бағытталған. Атап айтқанда, мінез-құлқы оң дәрежедегі сотталғандар үшін «тынығу уақыты» енгізіледі, сондай-ақ ең төменгі қауіпсіздік мекемелеріндегі сотталғандарға мекеме аумағынан тыс жерде смартфон пайдалануға рұқсат беру жоспарлануда. Ал орташа режимдегі колонияда жазасын өтеп жүрген, тәртіп бұзбай, өзін жақсы жағынан көрсеткен жазасын өтеушіге түскі уақытта бір сағат «тынығу уақыты» енгізілмек. Бұл – ресми түрде күндізгі демалыс уақыты. Бұдан бөлек, қоныс колониясындағы сотталғандар кездесуге жазылу немесе қалаға шығуға өтінішті қызмет көрсету терминалдары арқылы бере алады. Бұл тәсіл мекеме қызметкерлерімен тікелей байланысты азайтып, сыбайлас жемқорлық тәуекелдерін төмендетуге бағытталған. Әзірге бұйрық күшіне енген жоқ. Құжат 11 наурызға дейін қоғамдық талқылауда болады. #Информбюро #31арна #БастыЖаңалықтар #Новости #31канал