如何製作中秋節傳統五仁月餅 - 卓越食品餅店 How to make Assorted Nuts Mooncake in Hong Kong |Mid-Autumn| Cheuk Yuet скачать в хорошем качестве

如何製作中秋節傳統五仁月餅 - 卓越食品餅店 How to make Assorted Nuts Mooncake in Hong Kong |Mid-Autumn| Cheuk Yuet

0:00 Intro 1:42 備料 Preparation 2:30 混料 mixing 12:23 搓月餅 Stuffing 16:27 壓模 Mould Press 17:47 塗蛋汁 Egg Wash 20:45 入爐 Baking 買杯咖啡支持我哋製作更多影片☕: https://buymeacoffee.com/kongfoodkee 仲有半個月左右就中秋節，係時候講下月餅。雖然近年奶皇月餅幾乎成為咗月餅界嘅主流，亦有唔少月餅因為成本效益而轉到內地生產，不過話雖如此，香港其實仲可以搵到手工製作嘅月餅嘅。今次就帶大家睇下西環呢間街坊老字號小店，睇睇佢哋招牌嘅五仁月餅係點製成嘅。 負責人岑先生話，呢間超過40年嘅老字號「卓越食品餅店」由佢叔叔所開，近年已由佢接手打理，不過招牌嘅五仁月餅都仲係依住叔叔嘅配方製作，大約喺中秋前嘅一個月就會開始製作，放喺透明玻璃餅櫃畀大家買，單個賣或者一盒四個禮盒裝咁買都得。 做五仁月餅唔止成本高，工序都好繁複。所謂「五仁」，其實就係欖仁、杏仁、瓜子肉、合桃同芝麻，呢幾款食材仲要預先分開處理，芝麻要烤香，合桃佢哋堅持烤過再自己去衣，話咁做出嚟先夠香。 其他材料仲包括冰肉、金華火腿、桔餅同檸檬葉，冰肉自己將肥豬肉切碎用糖同少少玫瑰露醃過夜、原隻金華火腿烘香後撕碎再打成肉鬆狀、桔餅又要預先浸過再撕成小塊，單聽材料已非常複雜。以上嘅食材準備好就會再加入熟糯米粉搓成餡料，岑先生話熟糯米粉可以幫助食材更好咁融合埋一齊，但份量要好準確，太少焗出嚟會「瀉」開，太多又會影響口感，至於熟糯米粉嘅份量會依食材狀態同天氣調整，一切都好講經驗。食過佢哋嘅五仁月餅的確出色，外皮薄得嚟夠挺身，餡料香得嚟帶少少煙韌，金華火腿嘅鹹香同果仁香都隨住烘焗過程嘅溫度充分釋放，冰肉又令成個月餅油潤唔乾，加埋少少酒香同桔餅嘅甜味層次非常豐富。你以為呢種「老餅」只有老人家鍾意食？負責賣餅嘅岑太笑笑口話其實近年都多咗後生嘅客人嚟買，「有朋友仲話用嚟送紅酒好正！」 卓越食品餅店 Cheuk Yuet 地點：西環西營盤皇后大道西305號地舖 Address：G/F, 305 Queen's Road West, Sai Ying Pun, Western District 電話 Contact：2540 0858 #港食記 #kongfood #香港 #hongkong #香港美食 #卓越食品餅店 #西環 #西營盤 #月餅 #中秋節 #香港製造 #hongkongfood #localfood #midautumnfestival #midautumn #mooncake 更多食物製作影片    • 如何製作中秋節經典雙黃蓮蓉月餅 - 中環蓮香樓How to make Lotus S...      • 如何製作香港平民美食兩餸飯 - 權發小廚 How to Make Hong Kong...      • 如何製作香港本地釀造豉油 - 冠珍醬園 How to make local soy ...      • 如何製作傳統手工端午糭 - 八珍醬園 How to make Traditional...      • 如何製作港式小食石磨豆漿 豆腐花 釀豆腐 - 公和荳品廠 How to make H...   想知更多食物製作過程，即刻Follow《港食記》 →YouTube: bit.ly/3IDgSbO →Instagram : bit.ly/3Tyd3uE