dronk. скачать в хорошем качестве

dronk.

// drie glase wyn later en ek voel hoe my kop draai. ek was nie seker of dit die wyn of hy was nie. ek skraap toe uiteindelik die moed bymekaar om vir hom te sê ek hoop dat ek eendag rég sal wees. dat my hare lekker genoeg sal ruik dat hy sy neus konstant daarin kan begrawe. dat my maag sal genoeg sal wees vir sy kop om daarin te sink. my hande foutloos genoeg vir syne om myne te vind (wil jy aan my dink). my woorde eerlik genoeg vir hom om my te vertrou (sal jy my woorde vashou en toevou en verewig daaraan vasklou). my stem eenvoudig genoeg vir hom om te verstaan en te luister. my ore klein genoeg sodat hy magiese woorde daarin fluister. my lippe blink genoeg vir 'n soen. al is dit net vir 'n seisoen ek wil hê ons moet die dinge doen wat jy nie met die ander gedoen het nie. soos om die sterre vir mekaar te pluk; die straatkind se trane te sluk; vir mekaar se harte te mik; op mekaar se asem te verstik; vir jou woorde te pluk en te gee met 'n groen strik. of om sommer net hier op die strand te sit. aan wyn te verstik. en te voel hoe jou gevoelens vir my verdik (jou lippe ruik na rooiwyn en ek wil daarin verdrink). "jy's dronk." ek weet. "jy's baie dronk." jy ook. ek kon die angs aan sy lippe lees. hy doen toe die eenvoudigste ding op aarde, leun vorentoe; soen my op die voorkop; en fluister, "ja, ek is dronk en jy is mooi en môre is ek nugter en jy sal steeds mooi wees." ©eg_ek volg eg_ek op instagram:   / eg_ek   facebook:   / afrikaans20-.  . webtuiste: egkunst.com kontak: info@egkunst.com ©video vervaardig deur egkunst musiek vir die agtergrond: Summit - deur Jonny Easton hierdie video en die inhoud daarvan behoort aan eg_ek en egkunst ©️alle regte voorbehou ongelooflik dankie vir julle ondersteuning deur te lees en te luister, asook in donasies en die aankoop van ons produkte sodat ons gemeenskaps en kreatiewe projekte kan realiseer. te veel liefde x