Ministrja Kodheli takon efektivët e angazhuar për përmbytjet скачать в хорошем качестве

Ministrja Kodheli takon efektivët e angazhuar për përmbytjet

Ministrja Kodheli: Ju treguat që jeni pjesa më e mirë e shoqërisë, ju mbani veshur një rrobë që është me e bukura në botë dhe keni një mision tepër fisnik. Ndjehem krenare personalisht dhe jam mirënjohëse për gjithçka keni bërë dhe do bëni edhe në të ardhmen. Sot paradite, ministrja e Mbrojtjes, znj. Mimi Kodheli, e shoqëruar nga shefi i Shtabit të Përgjithshëm të FA, gjeneralmajor Jeronim Bazo, ishte në Batalionin e Këmbësorisë në Poshnje në Berat, ku u takua me trupat e përfshirë në përballimin e situatës së krijuar si rezultat i reshjeve të ditëve të fundit në disa zona në jug të vendit. Ministrja e Mbrojtjes Kodheli, duke iu drejtuar efektivëve të rreshtuar në sheshin kryesor të këtij reparti, ndër të tjera, u shpreh: “Doja t’ju falënderoja për punën që keni bërë dhe për përkushtimin e madh që keni treguar gjatë operacionit për të ndihmuar banorët e zonave të përmbytura, duke vënë edhe jetën tuaj në rrezik. Falënderimi im, i kryeministrit Rama dhe i qeverisë, nuk mjaftojnë, por ju falënderojnë të gjithë qytetarët që ju i keni ndihmuar në këto ditë tepër të vështira për ta”. Më tej, ministrja Kodheli theksoi se, ju treguat që jeni pjesa më e mirë e shoqërisë, ju mbani veshur një rrobë që është me e bukura në botë dhe keni një mision tepër fisnik. Ndjehem krenare personalisht dhe jam mirënjohëse për gjithçka keni bërë dhe do bëni edhe në të ardhmen. Më pas, ministrja e Mbrojtjes Kodheli ka vijuar me një takim me drejtuesit e këtij operacioni të realizuar nga Forcat e Armatosura. Fillimisht raportoi komandanti i Komandës Mbështetëse, gjeneral brigade Ylber Dogjani, për punën e bërë nga trupat dhe mjetet e FA përgjatë ditëve të operacionit në ndihmë të banorëve të zonave të përmbytura nga reshjet si në Vlorë, në Fier, Berat etj. Ndërsa kolonel Ardian Bali, shefi i Shtabit të Komandës Mbështetëse, nënvizoi ndërhyrjen e bërë nga trupat dhe mjetet e FA për mbrojtjen dhe sigurinë e digës së rezervuarit të Manskurisë në zonën e Golemit të Kavajës, të digës së Nartës në Vlorë, si dhe për ngritjen dhe sigurimin e argjinaturave të tjera. Nga ana tjetër, kolonel Petrit Dajlani, komandant i Qendrës Stërvitore në Bunavi, theksoi se, për banorët e evakuuar nga përmbytjet janë vënë në dispozicion mjediset e këtij reparti për t’u strehuar dhe jetuar në kushte normale. Komandanti i Batalionit të Poshnjes, nënkolonel Gëzim Marku, pasi vlerësoi bashkëpunimin e mirë mes të gjitha strukturave, informoi ministren Kodheli për angazhimin e efektivëve të këtij batalioni në këtë operacion humanitar. Ministrja e Mbrojtjes Kodheli dhe shefi i Shtabit të Përgjithshëm, gjeneralmajor Bazo, falenderuan të gjithë efektivët e FA të përfshirë në këtë proces dhe vlerësuan se zinxhiri i komandimit ka funksionuar më së miri përgjatë gjithë ditëve të operacionit. Znj. Kodheli theksoi se, situata u përballua me sukses, por gjithashtu kërkoi prej tyre që të evidentojnë mangësitë dhe problematikën e hasur me qëllim që të mund të merren të gjitha masat për riparimin e tyre dhe për përballimin me sukses të situatave të tjera të ngjashme që mund të përsëriten në të ardhmen. Në operacionet e zhvilluara këto ditë, Forcat e Armatosura kanë angazhuar 414 trupa, 63 mjete transporti, 2 qendra mobile, 1 ambulancë, 2 zjarrfikëse, 6 motorbarka, 10 pompa thithëse etj. Në mbështetje të kërkesave të shtabeve të emergjencave civile të ngritura për përballimin e situatës, strukturat e FA u angazhuan në këto operacione: në operacione kërkim-shpëtimi për evakuimin e 243 banorëve, në operacione SAR në Memaliaj-Gjirokastër, në zhbllokimin nga inertet dhe mbetjet e krijuara në disa akse rrugore, -në transportim dhe shpërndarje ndihmash ushqimore për popullsinë dhe bazën ushqimore për bagëtinë, në forcim argjinature në Lagunën e Nartës dhe në Urën e Mifolit, në uljen e nivelit të ujit, si dhe në rikornicione mbi gjendjen e portave të shkarkimit nga polumbarët e Qendrës Kombëtare të Zhytjes në ujëmbledhësin e Manskurisë në Golem të Kavajës. Gjithashtu në këtë operacion të emergjencës civile një kontribut të veçantë kanë dhënë edhe trupa dhe mjete nga Forca e Sigurisë së Kosovës.