真朋友百無禁忌彩蛋大亂爆！《邦邦！我嚟黐餐！》藍奕邦 X 許廷鏗 X 梁栢堅 X 鄭欣宜 X 周國賢 ｜ SUCH/ Food скачать в хорошем качестве

真朋友百無禁忌彩蛋大亂爆！《邦邦！我嚟黐餐！》藍奕邦 X 許廷鏗 X 梁栢堅 X 鄭欣宜 X 周國賢 ｜ SUCH/ Food

究竟點先叫做真朋友呢？「真朋友」即使唔係成日見，但係每次見面都可以一撻即著雞啄唔斷，朋友間當然有唔少深情對話啦，不過更多更多嘅係超級幼稚兼小學雞嘅無聊話題：經常亂噏廿四互相恥笑不在話下，更甚者粗口加黃色笑話乜都出齊，而喺呢啲話題當中，佢哋完全唔會嬲對方，仲有仇報仇越講越興奮、越揭越多瘡疤，冇番咁上下經歷嘅真朋友係做唔到呢個境界嘅。 娛樂圈中人顧慮又多包袱又大，要喺鏡頭前好似平常人一樣無拘無束以真情對話其實好難，而今次《邦邦！我嚟黐餐！》裡面，我哋除咗睇到邦邦家庭煮夫嘅另一面，更難得嘅係可以見證同記錄低邦邦同佢啲真心friend嗰份難能可貴嘅友誼，能夠放低顧慮輕輕鬆鬆以真性情對話，只係因為兩個字 — 信任。就係呢份信任，令今次嘅錄影可以收錄到好多煮食以外嘅珍貴畫面（係黐鬼線畫面先啱），經過各單位嘅同意之後，SUCH團隊決定以百無禁忌死就死啦嘅心情將呢一輯「彩蛋篇」發布，為第一季嘅《邦邦！我嚟黐餐！》加上一個爆炸性嘅句號，希望大家睇得開心，一齊為珍貴嘅友誼乾杯！（依集嘅最尾仲會同場加映周仔心事台！） 最後，請容許SUCH團隊喺度再次多謝各贊助單位嘅支持（今次彩蛋篇唔關佢哋事㗎，有咩搵返我哋算帳啦！），多謝邦邦、Alfred、栢堅、欣宜同周仔真心信任我哋肯同我哋癲，呢個節目唔單止係邦邦處男下海嘅煮食節目，亦都係SUCH團隊嘅第一次，雖然波折重重，但好開心最後都能夠順利完成。如果你哋都鍾意睇我哋創作嘅節目，就快啲share埋俾親朋戚友，最好就follow埋我哋IG同subscribe埋YouTube啦！我哋都希望可以好快爭取到更充裕嘅資金，為大家炮製更多好節目，衷心感謝各位支持！ #百無禁忌死就死啦 #邦邦我嚟黐餐 #SUCH 記得喺Facebook, Instagram, YouTube密切留意SUCH HK： Facebook:   / such.hongkong   Instagram:   / such.hk   YouTube:    / suchhk