KOSHUR Hanuman chalisa sung by Harish Bharti at Shri Swami svayamananda ashram Muthi Jammu. скачать в хорошем качестве

KOSHUR Hanuman chalisa sung by Harish Bharti at Shri Swami svayamananda ashram Muthi Jammu.

रचनाकार :- हरि कृष्ण सिद्धा। 122 - वासुकि विहार पलौड़ा, जम्मू। कोशुर ​श्री हनुमान चालीसा ​गुरुवर सिन्ज़ पादकमल, करान भक्तन छु सुधार। श्री रघुवर सिन्ज़ अख नज़र, भवसर तारनहार॥ ​जय जय जय जय जय हनुमान ॥ 2 ॥ ​ज्ञानुक सदर छुख सेठ बलवान, जगत रक्षक छुख धर्म निधान। श्रीराम सीत सीत छुय आसान, क्षण क्षण करान व्युहुन्दुय ध्यान। जुगत ज़नान छुख केसरी नन्दन, पवनसुत छुख छुय देव बन्धन। चे वरअय परछोन गछान भगवान, जय जय जय जय जय हनुमान॥ ​आकाश ख्वयारव येल सूर्य वुछथन, वज्र सीत जख्मी करयारव इन्द्रन। फल मअनिथ सिर्य नेन्गलोवथन, अंधकार गोव सेठ त्रेन लोकन। पवन देवन त करयाव अनशन, त्राहि त्राहि करान अस हर तरफ। त्रिदेव वुछिथ यि गयाय परेशान, जय जय जय जय जय हनुमान॥ ​अथस छि ध्वजा फेकिस पैठ गददा, राम सेवा छुय अकुय मुददा। हटिस यज्ञोपवीत कनन कुण्डला, पर्वत तुलुथ यूता अथन वटा। संजीवनी अनिथ गय मुश्किल हल, रामजुवस रोजान चअनी कल। लक्ष्मण जियस बचाविथ प्राण, जय जय जय जय जय हनुमान॥ ​रावणन सीता करयाय हरण, वन वन फीर सेठ राम लक्ष्मण। किष्किन्धा वअत छ़ारन छ़ारण, मालि पैठ वुछय तिम सुग्रीवन। हनुमान सूजुन ब्रोंठि तिमन, ब्राह्मण रूप करयाव तअम धारण। परण ध्योव सन्मोख वुछुन भगवान, जय जय जय जय जय हनुमान॥ ​नखस पैठ ख्वअरिन राम लक्ष्मण, सुस्वागत करयाव सारविय यिमन। नालमुत रटिथ वनुस सुग्रीवन, दास चअन सअरी छि हे भगवान। सुग्रीव राजुस कोरुथ अशोट, बलवान बअल्ली खोरथुन बोठ। छ़ारनि सीतायि द्राव बलवान, जय जय जय जय जय हनुमान॥ ​जामवन्ता हेथ बेयि वानर कूँत, सागर बठिस ताम असस सीत सीत। पज़र वुनुख वुछिथ सम्पत गरूडन, सीता छि अशोक वाटिकायि मंज़। सेठा मुश्किल करुन सागर पार, जामवन्तन याद पोवुस लक्चार। अख वोठ तुझिन पार वोत हनुमान, जय जय जय जय जय हनुमान॥ ​विभीषण जियस करिथ सेठ उपकार, राम सुन्द भक्त छुख रुद्र अवतार। भूतन पिशाचन कोरुथ संहार, स्मरण चअन करान भक्तन उद्धार। नाव चोन भवसर तारनहार, छुनि तस पौरान कांह ग्रहचार। भक्तन चानेन लक्ष्मी छि तोठान, जय जय जय जय जय हनुमान॥ ​सदरस तरिथ लंकायि वोतुरुख, राम संदेश तअति जानकी द्युतुथ। रावणुन पुत्र अक्षय मोरुथ, सोन सिन्ज़ लंकायि नार द्युतुथ। रामदूत बनिथ रावणस होवुथ, सीता अग्न छि अतुर कोरुथ। वापस करुन त बचाव पनिन प्राण, जय जय जय जय जय हनुमान॥ ​राम लक्ष्मण नियाय अहिरावणन, पाताल वअतिन गोवुय चे कनन। पाताल वोथुख चु दवन दवन, मातायि हुन्द रूप कोरुथ धारण। अहिरावण करयाय कअत्या छल, निस्तनाबूद कोरुथ तमुसुन्द बल। अकिय टास सीत कडथस प्राण, जय जय जय जय जय हनुमान॥ ​यि चालीसा युस परि सुबहन त शामन, अष्टसिद्धि नवनिधि तस मलान। मणि कामन तस गछ़न पूर्ण, सोख त सम्पदा मैलस अन्न धन। स्मरण युस करान चे नित्य प्रभातन, सन्तुष्ट रोजान तस तन मन। सीत जय कृष्ण मार्तण्ड भगवान, जय जय जय जय जय हनुमान॥ ​पवनसुत छुख संकट मोचन, प्रथ कांह विपदा हरण। मानस मंज़ सीता राम लक्ष्मण, छुय चे शत शत नमन॥ ​