#TF скачать в хорошем качестве

#TF

「再唔保留，食唔番傳統粉麵味道！」夏銘記第二代老闆Roger這樣說。 喜歡吃魚蛋粉的，一定認識夏銘記。1980年代初創立，一直沿用古法製作軟漿魚蛋，不加一粒粉，只用魚肉打魚蛋，軟滑綿香有魚味，雖說現時的九棍、門鱔等，無論質素或肉質已大不如前，幸好有技術彌補，守住傳統潮式魚蛋的好味道。 不僅魚蛋粉，Roger更希望香港地道粉麵得以傳承下去，早就想找到功夫耍家的廣東師傅,炮製雲吞牛腩粉麵。年初機緣巧合，邀得幾位前羅富記粥麵的老師傅，分別坐鎮上環及炮台山店，把羅富記招牌的炸鯪魚球、雲吞麵、牛腩、豬手等等，帶入夏銘記餐牌上，客人無論去哪間分店一樣食得到。 「香港粉麵點解要分潮式或廣東式？我想將最拿手潮式魚蛋，加埋廣東式雲吞水餃，炸鯪魚球一齊，成為香港特色粉麵，一間鋪，同時食到做得好嘅潮式丸類同廣東粉麵！」 羅富記於中環開業超過半世紀，招牌蜆蚧鯪魚球、雲吞麵及鯪魚湯粥底多年來都是打卡美食，門口那塊放入博物館的鯪魚招牌，代表生意源源不絕；2025年結業最後一日，客人蜂湧而至，一同回味老香港粉麵的傳統味道。 負責食物出品的樑哥，在羅富記工作40年，他說以前羅富記的鯪魚球，粒粒像乒乓球「彈得起」，來到夏銘記，配方、做法不變，盡量保留當年美味。 鯪魚肉用新鮮的，打鯪魚肉的時候，要用陰力、靭力，打得夠，自然爽彈，求求其其搓幾下，怎會好吃。調味有五香粉、蒜蓉、南乳，炸脆了，香口之餘，內裏軟滑彈牙。 熟客才知道羅富記的雲吞味道一流，它屬傳統做法，由湯底到包餡，啖啖大地魚味；來到夏銘記，依舊大地魚不惜工本落到足，煲湯用豬骨、蝦頭殼、羅漢果，大地魚每次放八至十條，一條半斤重，單是大地魚也要花幾百元；㷛湯最少四、五小時至金黃色，清潤鮮甜，入喉舒服。 大地魚肉烘香炸過後打碎，拌入雲吞餡，十斤蝦配一斤半豬肉；清香秘訣在於用炒香的芝麻打碎成粉，代替麻油調味，鮮爽之餘，帶麻油風味，但又不會食得多濟住喉嚨。 最特別是師傅自創的元寶雲吞包法，兩面摺起，撕開像小船，足夠包住一整隻蝦，師傅解釋，蝦熟了就會撐開，因此精緻金魚尾包法做不來，只合豬肉比例較多的雲吞使用。 Roger說如果師傅他們沒來的話，下一代可能吃不到這麼好的味道，香港的麵食絕對稱得上屬非遺文化，值得保留下去。「 我媽經常說一句話：有麝自然香；自己先做好， 希望多啲人欣賞。」 會否有人說夏銘記魚蛋粉、雲吞麵價錢好貴？日本拉麵抵食得多？ Roger堅定地說：「當然我唔會賣百幾蚊元一碗魚蛋粉、或牛腩麵，但我可以肯定講句，我哋出品，物有所值！！」 夏銘記 @hamingkee 地址：炮台山道電廠街9-15號聯和大廈地下A及D鋪 電話：3753 4499 營業時間：星期一至日11:30am-10pm 地址：上環禧利街23號地鋪 電話：3104 4987 營業時間：星期一至日11am-9pm #夏銘記 #魚蛋 #魚片頭 #雲吞 #炸鯪魚球 # 魚蛋粉 #雲吞麵 #傳統粉麵 #羅富記 #北角美食 #老字號 #TalkFood #TalkFood上環 #TalkFood北角 TalkFood 先填飽肚子再前進 YouTube :    / @talkfood   Facebook :   / talkfood   Instagram :   / talkfood   延伸閱讀： #TF【#找吃的】 贏晒全港茶記 最好食手剁蒸肉餅 | 熟客：午市等半個鐘都值 | 集團總廚深水埗Food Court開檔 | 自創煙燻蒸肉餅 | 老闆：外面嘅肉餅真係好難食！ | #雙語字幕    • #TF【#找吃的】 贏晒全港茶記 最好食手剁蒸肉餅 | 熟客：午市等半個鐘都值  |...   #TF 【#街坊嘢】 土瓜灣隱世懷舊菜館｜$248八道懷舊菜 逆市殺出新血路｜手工梅子荔芋鴨｜足料龍皇杏汁白肺湯 | 雙語字幕    • #TF【#街坊嘢】夏銘記唔止魚蛋粉 | 前羅富記40年師傅坐鎮 | 名物再現 招牌炸...   -------------------------------------------------------------------------------- 0:00 夏銘記唔止魚蛋粉 0:43 冇十個都有九個聽過羅富記 2:50 十卜十卜 3:01 鯪魚球重出江湖！ 5:01 雲吞不能少了大地魚 6:42 自創元寶雲吞 7:29 企檔好緊要 8:45 柱候牛腩&豬手 9:40 魚蛋河 10:26 京都炸醬麵 10:38 有麝自然香