DC MNZAVA ATETA NA WANAFUNZI KIDATO CHA KWANZA MASOKA SEKONDARI, "RUKSA KUJA SHULENI BILA UNIFOMU" скачать в хорошем качестве

DC MNZAVA ATETA NA WANAFUNZI KIDATO CHA KWANZA MASOKA SEKONDARI, "RUKSA KUJA SHULENI BILA UNIFOMU"

Mkuu wa Wilaya ya Moshi, Mhe. Godfrey Mnzava, amefanya ziara ya kikazi katika shule ya Sekondari Masoka iliyopo Halmashauri ya Wilaya ya Moshi, kwa lengo la kukagua mwitikio wa wanafunzi wa Kidato cha Kwanza walioanza masomo Januari, 2026. Katika ziara hiyo, Mhe. Mnzava alipata fursa ya kujionea hali ya mahudhurio ya wanafunzi, miundombinu ya shule pamoja na maandalizi ya walimu katika kuwapokea wanafunzi wapya. Alieleza kuridhishwa na mwitikio wa wanafunzi waliojitokeza, huku akisisitiza umuhimu wa wazazi na walezi kuhakikisha watoto wote waliochaguliwa kujiunga na Kidato cha Kwanza wanaripoti shuleni kwa wakati. Aidha, Mkuu wa Wilaya aliwaonya wazazi na walezi ambao hawatawaleta watoto wao shuleni bila sababu za msingi kuwa hatua kali za kisheria zitachukuliwa dhidi yao kwa mujibu wa sheria na taratibu zilizopo, akisisitiza kuwa elimu ni haki ya msingi ya mtoto na wajibu wa mzazi kuisimamia. Mhe. Mnzava amewataka walimu na uongozi wa shule kuendelea kusimamia nidhamu, mazingira bora ya kujifunzia na kufundishia pamoja na kutoa ushirikiano kwa wanafunzi wapya ili kuwajengea msingi imara wa masomo yao ya sekondari. Ziara hiyo ni sehemu ya jitihada za Serikali ya Awamu ya Sita chini ya Rais wa Jamhuri ya Muungano wa Tanzania, Mhe. Dkt. Samia Suluhu Hassan, kuhakikisha kila mtoto anapata elimu bora na kwa wakati, sambamba na kusimamia uwajibikaji wa wazazi, walimu na jamii kwa ujumla.