#TF скачать в хорошем качестве

#TF

「係我食過最好食嘅威靈頓牛柳 「呢度擺明係隱世法菜！ 「作為前西環街坊，真係想搬番嚟...... 堅尼地城近海旁小街，街坊都稱它為「食街」，有一間紅色小餐館Taste All Pate，推開門，以為日本餐廳，明明食西餐，大家坐在吧枱旁，喝着酒，看着大廚一邊做菜，一邊跟客人說笑互動，氣氛輕鬆，與印象中的歐陸菜餐廳用餐體驗很大分別。 「我哋呢度係歐陸菜casual dining，客人鍾意著短褲拖鞋都得，入嚟食飯，冇咩規限，識唔識點菜冇問題，食完，開心離開就好！」大廚兼老闆Kenji說。 食飯氣氛沒有傳統餐廳拘緊，但菜式做法十分講究，以套餐形式，頭盤、主菜、甜品，可選二或三或四道菜，3道菜大餐$318起，4道菜不用$400，非常貼地價。每道菜配搭自家醬汁、side dish，擺盤精緻，最好是一些熱門歐陸菜如油封鴨腿 、酥皮白鴿、紅蝦意粉......還有不少客人大讚超值的威靈頓牛柳都食得到！ 單看賣相就知，味道絕對高分！威靈頓牛柳焗得金黃色，切開，火腿包住美國牛柳，粉紅色約三成熟，肉嫩鮮美，沒想到入口熟度剛好，中間加了磨菇碎，沒有常見的肝醬。Kenji說做法屬最基本，特別選用美國牛肉，取其肉味好，夠軟腍，吃完一大塊也不覺膩，十分出色。 他說這道菜從幾年前開鋪時一直供應至今，原本只在晚餐餐牌選項內，後來着實太多人喜歡，現時只要客人預留，亦可於午餐時過來享用，份量做法相同。 「我哋一般午市餐牌比較簡單，都係豬扒、羊西冷，好多客人唔係住呢頭，有時晏晝過嚟食飯，想食夜晚餐牌，預先預訂，做到都無所謂。始終我哋鋪頭唔大，未必坐得好舒服，又冇好多服務，所以我哋賣平啲，最緊要大家食得開心！！」 另一道手工繁複的法國馬賽魚湯，午餐過來吃也沒問題，看他早上採購大量海鮮，大半都放入鍋裏煮，足料得過份，新鮮雜海魚、蟹先煎過炒過，加蔬菜等煲近2小時。 「我哋香港人習慣煎魚煲湯，比起法國人就咁加菜水煲湯，鮮味好多！！」Kenji邊炒蟹邊說。 上菜時，更會多加一份煎魚柳、花甲、帶子等海鮮，跟湯上桌，最後撒點法國傳統茴香酒提味，鮮味化不開，這道湯品主菜，叫人吃得高興。 Kenji 說餐廳這裡地方較小，九成食材都係親力親為處理，以往在五星酒店或高級會所做總廚，現在是小店老闆，唯有善用狹小廚房空間，把酒店備菜流程更有效率，食材分成一份份真空包裝，放在慢煮爐浸煮。沒想到有客人誤以為是買回來的預製菜？！ 「而家很多嘢都可以叫貨，但係味道就有好大分別。」他說頭盤的鴨肝慕斯凍批，由於他的做法較複雜，但因風味更佳，所以他情願花兩日時間自己做。 不得不提餐廳招牌頭盤：法式肉批，也就是鋪頭名字及標記，一般只有傳統法國餐廳才自家做，別以為它是一塊凍肉批，食味一般的冷門菜，實則很多人為了它專程跑來西環。 Kenji說他廿年前於淺水灣露台餐廳工作，第一次接觸法式肉批，自此對這家傳戶曉食物非常着迷，一塊酥皮，包着不同的豬肉、雞肉、鴨肝、乾果等材料，造型、口味千變萬化；法國人最喜歡買一份回家配紅酒吃，當地更有年度肉批比賽云云......見他說得頭頭是道，雙眼閃閃發光，表情雀躍，因此他的餐廳常備一款口味供應。每次做一大條手臂般長，由搓皮，做餡，焗好，到冷凍，花近兩日時間。 味道如何？他有客人這樣形容：「今日嬲嘅事唔記得，連今晚嬲嘅都唔見埋！」 他說現在最困難是保持水準，每次轉菜單好似打仗，他說「搞死」自己， 工作做不完，日積月累，日日頭痛，醫生說他過度疲勞。最後決定星期二、三、四，午市時段不營業！「兩公婆傾咗好耐，擔心生意少咗好多，後來見有間餐廳只開夜晚，所以就試吓！」 他說太太負責樓面做會計，當然擔心，雖然這裏稱為堅尼地城食街，但試過全日得三個客人，驚到不知道要做甚麼好。經營一年多，才找到大概怎樣做。 Kenji笑說：「雖然我現時生活圈冇離開過堅尼地城，但見太太嘅時間，咁多年而家係最多；生意緊要，生活好重要，很多客變咗朋友，大家飲兩杯，講吓近況，就已經好好！！」 Taste All Pate @taste_all_pate 地址：堅尼地城厚和街6-18號滿發大廈地下 WhatsApp電話：9650 8532 營業時間：星期二三四 5pm-11pm 五六日 12nn-3pm 6pm-10pm 星期一休息 #威靈頓牛柳 #法式肉批 #海鮮拼盤 #鵝肝 #油封鴨腿 #紅蝦意粉 #馬賽魚湯 #西環美食 #堅尼地城美食 #法式餐廳 #歐陸菜 #歐陸菜餐廳 #慶祝 #tasteallpate #TalkFood #Talkfood西環 TalkFood 先填飽肚子再前進 YouTube :    / @talkfood   Facebook :   / talkfood   Instagram :   / talkfood   延伸閱讀： #TF【#街坊嘢】夏銘記唔止魚蛋粉 | 前羅富記40年師傅坐鎮 | 名物再現 招牌炸鯪魚球 | 彈到似乒乓波！| 自創元寶雲吞包法 | 傳統味就係大地魚味 | 廣式 X 潮州粉麵 | #雙語字幕    • #TF【#街坊嘢】夏銘記唔止魚蛋粉 | 前羅富記40年師傅坐鎮 | 名物再現 招牌炸...   #TF【#找吃的】 贏晒全港茶記 最好食手剁蒸肉餅 | 熟客：午市等半個鐘都值 | 集團總廚深水埗Food Court開檔 | 自創煙燻蒸肉餅 | 老闆：外面嘅肉餅真係好難食！ | #雙語字幕    • #TF【#找吃的】 贏晒全港茶記 最好食手剁蒸肉餅 | 熟客：午市等半個鐘都值  |...   -------------------------------------------------------------------------------- 0:00 西環隱世手工歐陸菜 0:57 我係賣歐陸菜嘅Kenji 1:43 威靈頓牛柳 2:42 馬賽魚湯 3:19 法式鴨肝慕絲凍批 4:00 五星級大廚 6:15 法式肉批 8:22 一雙手只有握成拳頭能捱下去