20260228SANĊEĊ скачать в хорошем качестве

20260228SANĊEĊ

MAGNIFICAT Festival tal-Korijiet fl-okkażjoni tal-75 Sena mill-Inkurunazzjoni tal-Kwadru Titulari tal-Madonna tal-Grazzja Belt ta’ Ħaż-Żabbar Taħt il-Patroċinju tal-E.T. Mons Joe Alessandro OFM. Cap Isqof Emeritus ta’ Garissa, il-Kenja Is-Sibt 28 ta’ Frar 2026 Il-Kor Santa Ċeċilja Mill-Parroċċa ta’ Santa Marija – il-Mosta Il-Kor Santa Ċeċilja tal-Bażilika tal-Mosta twaqqaf fl-1958 minn Dun Anġ Camilleri, bil-għan li l-Kor janima l-funzjonijiet liturġiċi tal-Parroċċa tal-Mosta. Il-Kor, li beda żgħir fl-Oratorju tal-Qalb ta’ Ġesù, kompla jikber, u fis-snin sittin infetħet ukoll is-sezzjoni femminili, li eventwalment ingħaqdet mas-sezzjoni maskili. Matul is-snin, il-Kor sar parti integrali mill-ħajja spiritwali u kulturali tal-komunità Mostija. Minbarra s-sehem regolari fil-liturġija, il-Kor kien u għadu attiv f’kunċerti u inizjattivi mużikali, b’mod partikolari fi żmien l-Avvent, il-Milied, ir-Randan u l-Għid il-Kbir. Avvenimenti bħal Carols by Candlelight u l-parteċipazzjoni fil-festa ta’ Santa Marija, inkluż fl-Inkurunazzjoni tal-1975, jibqgħu mumenti sinifikanti fl-istorja tiegħu. Wara waqfa twila, il-Kor reġà beda jopera fl-2021 taħt id-direzzjoni ta’ Mro. Simone Attard. Illum jilqa’ membri ta’ kull età u jkompli jservi lill-Parroċċa permezz tal-kant liturġiku, kunċerti u inizjattivi kulturali, filwaqt li jżomm bilanċ bejn it-tradizzjoni u l-espressjoni mużikali kontemporanja. IL-PROGRAMM INT SBEJĦA MARIJA Kliem: Tradizzjonali (attribwit lil Dun Karm Psaila) Mużika: Tradizzjonali IEQAF U ĦARES Kliem: Dun Ġorġ Camilleri Mużika: Dun Karm Farrugia VEXILLA CHRISTUS Kliem: F. Filisette Mużika: Tradizzjonali WHERE YOU THERE (WHEN THEY CRUCIFIED MY LORD) Kliem u mużika: Innu Spiritwali Afro-Amerikan JESUS, YOU DIED FOR ME Kkliem: Nick Fawcett Mużika: W. A. Mozart THE OLD RUGGED CROSS Kliem u mużik; George Bennard SPIRIT LIVES TO SET US FREE Kliem: Damian Lundy SJ Mużika: David Haas Akkumpanjat fuq l-orgni u taħt it-tmexxija tas-Surmast Direttur, Mro Simone Attard D.E.A.M., B. Ed (Hons.), L.R.S.M., L.T.C.L., A.T.C.L.