Aksyon Laban sa Kahirapan - Season 2 – Episode 58 скачать в хорошем качестве

Aksyon Laban sa Kahirapan - Season 2 – Episode 58

Tampok sa ika-58 na episode ang panayam ni Usec. Claire Dennis Mapa mula sa Philippine Statistics Authority (PSA) sa programang Rise and Shine Pilipinas ng PTV-4, Oktubre 23. Ipinaliwanag ni Usec. Mapa ang kahalagahan ng Community-Based Monitoring System o CBMS bilang isang makabagong sistema na nag-uugnay ng mga datos mula sa antas ng komunidad, barangay, munisipyo, lungsod at lokal na pamahalaan. Layunin ng sistemang ito na makalikom ng tumpak na datos at impormasyon upang matukoy ang mga pangangailangan ng bawat sektor sa lipunan. Ayon kay Usec. Mapa, nagsisilbi ang CBMS bilang isang mahalagang instrumento sa pagtukoy ng mga marginalized na sektor ng lipunan o vulnerable sectors. Sa tulong ng mga datos na makakalap, mas madali umanong matutugunan ng pamahalaan ang mga pangangailangan ng mga ito sa pamamagitan ng mga programang panlipunang proteksyon mula sa mga ahensya tulad ng Department of Social Welfare and Development, Department of Labor and Employment, Department of Health, at iba pa. Binigyang-diin din niya na malaki ang papel ng mga lokal na pamahalaan sa pagpapatupad ng CBMS dahil nagmumula mismo sa kanila ang mga datos. Sa ganitong paraan, mas nagiging epektibo ang pagpaplano, pagpapatupad at pagsusuri ng mga programa at proyekto sa lokal na antas. Ibinahagi din ni Usec. Mapa na ginagamit din ng PSA ang CBMS bilang opisyal na batayan sa pagkolekta ng estatistika. Kabilang dito ang pagsubaybay sa mga Sustainable Development Goals at pagkalkula ng Multidimensional Poverty Index. . #NAPC26 #AksyonLabanSaKahirapan #BagongPilipinas