Om Daagliks met Goddelike Wysheid te Leef скачать в хорошем качестве

Om Daagliks met Goddelike Wysheid te Leef

Om Daagliks met Goddelike Wysheid te Leef Aan die begin van die jaar fokus ons as gemeente op wysheid, gebed en om standvastig te bly. Vandag word ons weer herinner hoe noodsaaklik wysheid is vir ons daaglikse lewe — nie net vir groot, lewensveranderende besluite nie, maar ook vir die duisende keuses wat ons elke dag maak. Paulus bid in Efesiërs 1 dat gelowiges geestelike wysheid en openbaring sal ontvang deur die kennis van God. Hierdie wysheid is nie bloot menslike insig nie, maar kom van God deur die Heilige Gees en Sy Woord. Die Woord gee ons kennis, en die Heilige Gees lei ons om daardie kennis reg toe te pas. Die Bybel leer ons dat ontsag vir die Here die begin van kennis is. Sonder ’n verhouding met God en ’n groeiende kennis van Hom, raak ons maklik moeg, verward en oorweldig deur besluitneming. God weet hoe ons geskep is en gee vir ons ’n oplossing: Sy Gees om ons daagliks te lei. Wanneer ons bid en God soek, kan Hy die “sluier” wegneem wat ons begrip vertroebel en ons help om duidelik te sien. Soos Paulus se gebed vir die Efesiërs, word ons vandag uitgenooi om God te vra vir geestelike wysheid en openbaring — vir elke besluit, elke uitdaging en elke dag. Amen