កម្វុជក្សត្រដែលមានព្រះនាម វីរវម៌្ម (Viravarma) скачать в хорошем качестве

កម្វុជក្សត្រដែលមានព្រះនាម វីរវម៌្ម (Viravarma)

កម្វុជក្សត្រដែលមានព្រះនាម វីរវម៌្ម៖ ១-ព្រះបាទវីរវម៌្ម ព្រះអង្គជាក្សត្របុរនាចុងសម័យរាជាណាចក្រភ្នំ(វ្នំ) និងដើមសម័យចេនឡា ដែលត្រួតត្រានៅចន្លោះខេត្តស្ទឹងត្រែង និងខេត្តចម្ប៉ាស័កបច្ចុប្បន្ន។ ព្រះបាទវីរវម៌្ម ជាព្រះបិតារបស់ព្រះអង្គម្ចាស់ចិត្រសេន ឬព្រះបាទមហេន្ទ្រវម៌្ម(ក្សត្រទី២នៃចេនឡា) និងមានបុត្រីមួយអង្គទៀត(ប្អូនស្រីរបស់ចិត្រសេន)។ ព្រះមហេសីរបស់ព្រះបាទវីរវម៌្មធ្លាប់រៀបអភិសេកមុនម្ដងរួចមកហើយជាមួយព្រះបាទបឫថិវេន្ទ្រវម៌្ម ដែលជាបិតារបស់ព្រះបាទភវវម៌្មទី១ (ព្រះបឋមក្សត្រនៃចេនឡា)។ ២-ម្រតាញស្រីវីរេន្ទ្រវិជយ ម្រតាញស្រីវិរេន្ទ្រវិជយ គឺជារាជមន្ត្រីក្នុងរជ្ជកាលព្រះបាទរាជេន្ទ្រវម៌្មទី២ (វ្រះបាទធូលីជេងវ្រះកំម្រតេងអញស្រីរាជេន្ទ្រវម៌្មទេវ)។ ម្រតាញរូបនេះបានទទួលព្រះរាជឱង្ការពីព្រះរាជាឱ្យទៅធ្វើបញ្ជីកត់ត្រាពីព្រះរាជទ្រព្យ ខ្ញុំបម្រើ និងសារពើភណ្ឌផ្សេងទៀតនៅវ្នំកំម្រតេងជគតសិវបុរិ (ភ្នំសណ្តក ខេត្តព្រះវិហារ) នេះបើតាមសិលាចារឹកប្រាសាទភ្នំសណ្តក K.192។ ៣-ព្រះនាងវីរលក្ស្មី ដំបូងឡើយ ព្រះនាងវីរលក្ស្មី និងព្រះនាងនឫបតិន្ទ្រទេវី ជាព្រះមហេសីរបស់ព្រះបាទជយវីរវម៌្ម ប៉ុន្តែក្រោយពេលព្រះបាទជយវីរវម៌្មចាញ់សង្គ្រាមជាមួយព្រះបាទសូយ៌្យវម៌្មទី១នាឆ្នាំ១០១០នោះទៅ ព្រះបាទសូយ៌្យវម៌្មទី១ក៏បានរៀបអភិសេកជាមួយព្រះមហេសីទាំងពីរអង្គនេះ។ ចំណុចនេះ ត្រូវបានគេវិភាគថា ហេតុដែលព្រះបាទសូយ៌្យវម៌្មទី១រៀបអភិសេកជាមួយព្រះនាងវីរលក្ស្មីដែលមានព្រះស្វាមីរួចទៅហើយនោះ ក៏ដោយសារព្រះនាងជាប់សែរាជវង្សជាមួយក្សត្រមុនៗ។ តាមសិលាចារឹក K.660 ព្រះនាងវីរលក្ស្មីមានត្រកូលបន្តពីព្រះបាទហស៌វម៌្មទី១តាមសែស្រឡាយខាងម្ដាយ ដូច្នេះព្រះនាងជាតួអង្គដ៏សំខាន់ពាក់ព័ន្ធនឹងរាជសម្បត្តិរបស់ព្រះបាទសូយ៌្យវម៌្មទី១ ពីព្រោះព្រះនាងជាប់ខ្សែលោហិតជាមួយព្រះមហាក្សត្រមុនៗ មានព្រះបាទហស៌វម៌្មទី១ ព្រះបាទយសោវម៌្មទី១ ព្រះបាទឥន្ទ្រវម៌្មទី១ជាដើម។ 4-វ្រះកម្រតេងអញមហាសេនាបតីស្រីវីរេន្ទ្រវម៌្ម ទ្រង់គឺជាអ្នក្សញ្ជកមួយរូបនៅកវីស្វរៈ(ស្រុកបុរាណ?) និងជាមហាសេនាបតីខ្មែរនារជ្ជកាលព្រះបាទសូយ៌្យវម៌្មទី២(១១១៣-១១៥០)។ ឋានៈជាមហាសេនាបតីនេះ គឺមានតួនាទីធំលើសគេក្នុងក្របខណ្ឌយោធានាសម័យអង្គរ។ នៅលើចម្លាក់ក្បួនព្យុហយាត្រាកងទ័ពនៅប្រាសាទអង្គរវត្ត គេឃើញមានរូបចម្លាក់របស់វ្រះកម្រតេងអញមហាសេនាបតីស្រីវីរេន្ទ្រវម៌្មឈរនៅលើដំរីចម្បាំងទី១៧ (ដូចឃើញក្នុងរូបនេះ)។គេស្គាល់ព្រះនាមរបស់ទ្រង់តាមរយៈសិលាចារឹក K.298-22 ក្បែររូបចម្លាក់របស់ទ្រង់ដែលចារថា «អ្នក្សញ្ជកកវីស្វរតី ហៅវ្រះកម្រតេងអញមហាសេនាបតីស្រីវីរេន្ទ្រវម៌្ម»។ 5-វ្រះកម្រតេងអញស្រីវីរេន្ទ្រាធិបតីវម៌្ម ព្រះអង្គគឺជាមេទ័ពដ៏ល្បីឈ្មោះមួយរូបនារជ្ជកាលព្រះមហាក្សត្រ៣អង្គ រួមមាន ព្រះបាទជ័យវម៌្មទី៦ និងព្រះបាទធរណីន្ទ្រវម៌្មទី១ ដែលសោយរាជ្យនៅក្រុងមហិធរបុរៈ ព្រមទាំងបន្តដល់រជ្ជកាលព្រះបាទសូរ្យវម៌្មទី២ ដែលបានផ្ដួលរំលំព្រះបាទនឫបតិន្ទ្រវម៌្ម ហើយផ្លាស់មកគ្រងរាជ្យនៅក្រុងយសោធរបុរៈវិញ។ នៅលើចម្លាក់ក្បួនព្យុហយាត្រាកងទ័ពរបស់ព្រះបាទសូរ្យវម៌្មទី២ នាប្រាសាទអង្គរវត្ត គេឃើញមានរូបចម្លាក់របស់វ្រះកម្រតេងអញស្រីវីរេន្ទ្រាធិបតីវម៌្មឈរនៅលើដំរីចម្បាំងទី២ (ដូចឃើញក្នុងរូបនេះ)។ គេស្គាល់ព្រះនាមរបស់ទ្រង់តាមរយៈសិលាចារឹក K.298-7 ក្បែររូបចម្លាក់របស់ទ្រង់ដែលចារថា «វ្រះកម្រតេងអញស្រីវីរេន្ទ្រាធិបតីវម៌្ម ឆោកវកុល»។ 6-វ្រះកម្រតេងអញស្រីវីរយុទ្ធាវម៌្ម ព្រះអង្គជាមេទ័ពព្រួយមួយរូបនារជ្ជកាលព្រះបាទសូរ្យវម៌្មទី២ដែរ។ នៅលើចម្លាក់ក្បួនព្យុហយាត្រាកងទ័ពនាប្រាសាទអង្គរវត្តដដែលនោះ គេឃើញមានរូបចម្លាក់របស់វ្រះកម្រតេងអញស្រីវីរយុទ្ធាវម៌្មឈរនៅលើដំរីចម្បាំងទី៣ (ដូចឃើញក្នុងរូបនេះ)។ គេស្គាល់ព្រះនាមរបស់ទ្រង់តាមរយៈសិលាចារឹក K.298-8 ក្បែររូបចម្លាក់របស់ទ្រង់ដែលចារថា «អ្នក្សញ្ជកកញ្ចរប្រៀកតី ហៅវ្រះកម្រតេងអញស្រីវីរយុទ្ធាវម៌្ម»។ 7-វ្រះកម្រតេងអញវីរេន្ទ្រាធិបតីវម៌្ម ព្រះអង្គក៏ជាមេទ័ពរូបនារជ្ជកាលព្រះបាទសូរ្យវម៌្មទី២ដែរ។ នៅលើចម្លាក់ក្បួនព្យុហយាត្រាកងទ័ពនាប្រាសាទអង្គរវត្តដដែលនោះ គេឃើញមានរូបចម្លាក់របស់វ្រះកម្រតេងអញវីរេន្ទ្រាធិបតីវម៌្មឈរនៅលើដំរីចម្បាំងទី៨ ដៃស្ដាំកាន់ផ្គាក់សង្វារលីលើស្មា។ គេស្គាល់ព្រះនាមរបស់ទ្រង់តាមរយៈសិលាចារឹក K.298-13 ក្បែររូបចម្លាក់របស់ទ្រង់ដែលចារថា «អ្នក្សញ្ជកអសុវ្ន្យច្លនតី ហៅវ្រះកម្រតេងអញវីរេន្ទ្រាធិបតីវម៌្ម»។ 8-ព្រះរាជបុត្រាស្រីវីរកុមារ ព្រះអង្គជារាជបុត្រព្រះបាទជយវម៌្មទី៧ និងព្រះនាងរាជេន្ទ្រទេវី។ នៅក្នុងគ្រួសារហិរណីលក្ស្មី ដែលមានបុត្រាបុត្រី៤អង្គនោះ ព្រះនាងរាជេន្ទ្រទេវី គឺជាកូនស្រីទី១ ព្រះនាងជយរាជទេវីជាកូនស្រីទី២ ព្រះនាងឥន្ទ្រទេវីជាកូនស្រីទី៣ ព្រះនាងទាំង៣សុទ្ធតែជាព្រះអគ្គមហេសីនិងព្រះស្នំរបស់ព្រះបាទជយវម៌្មទី៧ ចំណែកកូនប្រុសទី៤ដែលជាប្អូនថ្លៃរបស់ព្រះបាទជយវម៌្មទី៧នោះ មានព្រះនាមថា ស្រីសូយ៌្យវម៌្មទេវ (នាមដើម៖ ព្រះអង្គម្ចាស់អិន)។ ដូច្នេះព្រះអង្គម្ចាស់ស្រីវីរកុមារ គឺជារាជបុត្រាទោលនៃចំណងអាពាហ៍ពិពាហ៍របស់ព្រះនាងរាជេន្ទ្រទេវី និងព្រះបាទជយវម៌្មទី៧។ សូមជួយឧបត្ថម្ភគាំទ្រ និងជួយ follow ផងបងប្អូន! #history #king #angkor #angkorwat #cambodia #siemreap #phnompenh #queen #culture #civilization