திருஆனைக்கா / வானைக்காவில் வெண்மதி மல்குபுல்கு வார்சடை / திருஞானசம்பந்தர் தேவாரம் скачать в хорошем качестве

திருஆனைக்கா / வானைக்காவில் வெண்மதி மல்குபுல்கு வார்சடை / திருஞானசம்பந்தர் தேவாரம்

03.053 திருஆனைக்கா | வானைக்காவில் வெண்மதி மல்குபுல்கு வார்சடை | திருஞானசம்பந்தர் தேவாரம் பஞ்சபூத தலங்களில் அப்பு (நீர்) தலமாகவும், சக்தி பீடங்களில் வராகி பீடமாகவும் திகழ்வது திருவானைக்கா ஜம்புகேஸ்வரர் ஆலயம். இத்தலம் காவேரி - கொள்ளிடம் நதிகளுக்கிடையே, திருச்சியிலிருந்து 5 கி.மீ தொலைவில் அமைந்திருக்கிறது. அகிலாண்டேஸ்வரி அம்பாளின் தாடங்கத்தால் மகிமைபெற்ற தலம் இது. யானை பூஜித்ததால் யானைக்காவல், கஜாரண்யம், கரிவனம் ஆகிய பெயர்களாலும், அம்பாள், ஈசனிடம் உபதேசம் பெற்ற தலமாதலால் "உபதேச ஸ்தலம்" என்றும், சம்பு மாதவ முனிவர் வழிபட்டதால் சம்பு வனம், ஜம்புகேஸ்வரம் என்றும் இந்தத் தலம் அழைக்கப்படுகிறது. ஸ்ரீராமபிரான் இங்கு வந்து வழிபட்டதாக புராணங்கள் கூறுகின்றன. ராவணனைக் கொன்ற தோஷம் தீர ராமேஸ்வரத்தில் சிவலிங்க பூஜை செய்த ஸ்ரீராமன், கும்பகர்ணனைக் கொன்ற தோஷம் தீர திருவானைக்காவல் வந்து, கோயிலின் மேற்குப் பகுதியில் குளம் அமைத்து லிங்கம் பிரதிஷ்டை செய்து வழிபட்டு நிவர்த்திப் பெற்றாராம். இந்த லிங்கத் திருமேனி அமைந்திருக்கும் சந்நிதி ஸ்ரீ கரியமாலீசுவரர் கோயில் எனப்படுகிறது. மதிய பூஜையின் போது கோயில் அர்ச்சகர் புடவை அணிந்து கோ பூஜையுடன் ஸ்வாமிக்கும் ஆராதனைகள் நடத்துவார். அம்பாளே ஸ்வாமியை பூஜிப்பதாக ஐதிகம். இந்த வைபவத்தை தரிசித்தால் கல்யாண வரம் கிடைக்கும் என்பது நம்பிக்கை. இறைவர் திருப்பெயர் : ஸ்ரீ ஜம்புகேஸ்வரர் இறைவியார் திருப்பெயர் : ஸ்ரீ அகிலாண்டேஸ்வரி திருச்சிராப்பள்ளியினின்றும் புறப்பட்டுத் திருவானைக்காவை அடைந்த பெருமானார், அங்கு வெண்ணாவல் மேவிய மெய்ப்பொருளை வணங்கி, யானை வழிபட்டதையும் கோச்செங்கட்சோழ நாயனார் செய்த அடிமையையும் அமைத்துப் பாடிய பண்ணுறு செந்தமிழ் மாலை இது. வானைக்காவில் வெண்மதி மல்குபுல்கு வார்சடை தேனைக்காவில் இன்மொழித் தேவி பாகம் ஆயினான் ஆனைக்காவில் அண்ணலை அபயமாக வாழ்பவர் ஏனைக்காவல் வேண்டுவார்க்கு ஏதும் ஏதம் இல்லையே. ..... (01) சேறுபட்ட தண்வயல் சென்று சென்று சேண் உலாவு ஆறுபட்ட நுண்துறை ஆனைக்காவில் அண்ணலார் நீறுபட்ட மேனியார் நிகரில் பாதம் ஏத்துவார் வேறுபட்ட சிந்தையார் விண்ணில் எண்ண வல்லரே. ..... (02) தாரமாய மாதராள் தான் ஒர்பாகம் ஆயினான் ஈரமாய புன்சடை ஏற்ற திங்கள் சூடினான் ஆரமாய மார்புடை ஆனைக்காவில் அண்ணலை வாரமாய் வணங்குவார் வல்வினைகள் மாயுமே. ..... (03) விண்ணில் நண்ணு புல்கிய வீரமாய மால்விடைச் சுண்ண வெண்ணீறு ஆடினான் சூலம் ஏந்து கையினான் அண்ணல் கண்ணொர் மூன்றினான் ஆனைக்காவு கைதொழ எண்ணும் வண்ணம் வல்லவர்க்கு ஏதம் ஒன்றும் இல்லையே. ..... (04) வெய்ய பாவம் கைவிட வேண்டுவீர்கள் ஆண்டசீர் மைகொள் கண்டன் வெய்ய தீ மாலை ஆடு காதலான் கொய்ய விண்ட நாண்மலர்க் கொன்றை துன்று சென்னி எம் ஐயன் மேய பொய்கைசூழ் ஆனைக்காவு சேர்மினே. ..... (05) நாணும் ஓர்வு சார்வும் முன் நகையும் உட்கும் நன்மையும் பேணுறாத செல்வமும் பேச நின்ற பெற்றியான் ஆணும் பெண்ணும் ஆகிய ஆனைக்காவில் அண்ணலார் காணும் கண்ணு மூன்றுடைக் கறைகொள் மிடறன் அல்லனே. ..... (06) கூரும் மாலை நண்பகல் கூடிவல்ல தொண்டர்கள் பேரும் ஊரும் செல்வமும் பேச நின்ற பெற்றியான் பாரும் விண்ணும் கைதொழ பாயும் கங்கை செஞ்சடை ஆரம் நீரொடு ஏந்தினான் ஆனைக்காவு சேர்மினே. ..... (07) பொன்னம் மல்கு தாமரைப் போது தாது வண்டினம் அன்னம் மல்கு தண்துறை ஆனைக்காவில் அண்ணலைப் பன்ன வல்ல நான்மறை பாடவல்ல தன்மையோர் முன்ன வல்லர் மொய்கழல் துன்ன வல்லர் விண்ணையே. ..... (08) ஊனொடு உண்டல் நன்றென ஊனொடு உண்டல் தீதென ஆன தொண்டர் அன்பினால் பேச நின்ற தன்மையான் வானொடு ஒன்று சூடினான் வாய்மையாக மன்னி நின்று ஆனொடு அஞ்சும் ஆடினான் ஆனைக்காவு சேர்மினே. ..... (09) கையில் உண்ணும் கையரும் கடுக்கள் தின் கழுக்களும் மெய்யைப் போர்க்கும் பொய்யரும் வேதநெறியை அறிகிலார் தையல் பாகம் ஆயினான் தழலது உருவத்தான் எங்கள் ஐயன் மேய பொய்கைசூழ் ஆனைக்காவு சேர்மினே. ..... (10) ஊழி ஊழி வையகத்து உயிர்கள் தோற்றுவானொடும் ஆழியானும் காண்கிலா ஆனைக்காவில் அண்ணலை காழி ஞானசம்பந்தன் கருதிச் சொன்ன பத்து இவை வாழி ஆகக் கற்பவர் வல்வினைகள் மாயுமே. ..... (11) பதிகப் பலன் : ஊழிக்காலந்தோறும் உயிர்களுக்குத் தனு, கரண, புவன, போகங்களைப் படைக்கின்ற பிரமனும், திருமாலும் இறைவனின் முடியையும், அடியையும் தேடிச்சென்றும் காண்பதற்கு அரிய திருவானைக்காவில் வீற்றிருந்தருளும் அண்ணலான சிவபெருமானைச் சீகாழிப்பதியில் அவதரித்த ஞானசம்பந்தன் போற்றி அருளிய இத்திருப்பதிகத்தை மண்ணில் நல்ல வண்ணம் வாழக் கற்று ஓதவல்லவர்களின் கொடிய வினையாவும் மாய்ந்தழியும். குறிப்பு : இப்பதிகத்திற்கான சொற்பிரிவு எங்களது முயற்சியில் உருவாக்கப்பட்டுள்ளது. பிழை இருப்பின் எங்களுக்கு தெரியப்படுத்தலாம். "மேன்மைகொள் சைவநீதி விளங்குக உலகம் எல்லாம்"